МҮБХ-нд үүсээд байгаа асуудлаас гадна бөхчүүдийн допин хэрэглэсэн асуудал дахин шуугиан тарьж эхлэв. Албан бус мэдээлэлээр допин хэрэглэсэн улс болон аймгийн цолтой таван бөхөөс гадна дахин нэр бүхий бөхчүүд сэргээш хэрэглэсэн байж болзошгүй гэсэн мэдээлэл гарч эхлэв. Гэхдээ энэ мэдээллийг албаныхан үгүйсгэж байгаа юм. Магадгүй нууж дарагдуулж байгааг ч гэж хардаж байна. Допингийн үндэсний төвөөс "31 бөхөөс авсан шинжилгээнд бүдэрсэн таван бөхийн нэрийг албан ёсоор зарласан. Түүний дараа энэ оны эхээр бөхчүүдээс дахин допингийн шинжилгээ авсан. Одоогоор хариу ирээгүй байгаа. Хэрвээ ирвэл албан ёсоор мэдэгдэнэ. Шинжилгээний хариуг нуун дарагдуулж байгаа зүйл байхгүй" гэжээ. Дашрамд дуулгахад улсын заан Б.Пүрэвсайхан А сорьцийн шинжилгээгээ хүлээн зөвшөөрөөгүй учраас В сорьцийн шинжилгээгээ өгчээ.
Сэтгэгдэл (0)
Сэтгэгдэл бичигдээгүй байна