ОРОСЫН АРМИЙГ 2024 ОНД АСУУДАЛТАЙ ТУЛГАРНА ГЭЖЭЭ

АНУ-ын Стратеги судалгааны төв RAND (Research ANd Development) төвөөс гаргасан илтгэлд Америк ба түүний холбоотнуудын хувьд Оростой явуулж болзошгүй хуурай замын дайн нь хамгийн их аюултай гэж дурдсан тухай "lenta.ru" сайт мэдээлж байна. Мөн Орос нь өөрийн нөлөөллөө хуучин ЗХУ-ын бүрэлдэхүүнд багтаж байсан улсуудад сэргээхийг хамгийн ихээр сонирхож байгаа гэсэн дүгнэлт хийжээ.

Гэхдээ RAND-ын шинжээчид Москва нь Европ дахь хуурай замын хүчний тоогоор Вашингтоноос хол давуу ч ОХУ ба Өрнөдийн хооронд өргөн цар хүрээтэй цэрэг дайны ажиллагаа явагдах магадлал бага болохыг хүлээн зөвшөөрчээ. Түүнчлэн "Орос нь 2024 он гэхэд тохирох насны эрэгтэйчүүдийн тоо цөөрсөнтэй холбоотойгоор цэрэгт татлагын зардал өсөх асуудалтай тулгарах магадлал их байна"гэсэн дүгнэлт хийсэн байна. Харин Оросын элитүүдийг улсад нь тулгараад байгаа аюул заналхийлэлийг тодорхойлох дээр дотоод зөвшилцөл, ойлголцод хүрсэн бөгөөд ойрын үеэд энэ байр суурь нь өөрчлөгдөнө гэх ямар нэг шинж тэмдэг харагдахгүй байна гэж үзжээ.