-Хөдөлмөрийн баатар Б.Шарав гуай таньд баяр хүргэе. Сэтгэгдлээсээ хуваалцана уу?
-Их урлагт 50 жил зүтгэсний маань үр шим ирж байна. Энэ зөвхөн миний гавьяа биш. Надтай хамтарч ажилладаг уран бүтээлчдийн маань шагнал. Мөн Монголын ард түмний хийж бүтээсэн их урлаг, тэр түшиж, гол үзэл баримтлалаа болгож ирсний маань ач буян гэж бодож байна. Миний уран бүтээлийг үргэлж үнэлж байдаг ард түмэндээ, дэмждэг төр засагтаа үнэхээр их баярлаж байна. Монголын урлаг, хөгжмийн уран бүтээлийг улам өндөрт хөгжүүлж авч яваарай гэж хэлье
-Та хамгийн сүүлд ямар уран бүтээл дээр ажиллласан бэ?
-Би хамгийн сүүлд "Бяцхан вальс" гэсэн бүжгийн уран бүтээл дээр ажилласан. Олон жижиг бүтээлүүд дээр олон ажилласан даа.
-Та энэ шагналыг хэр удаан хүлээсэн бэ?
- Шагналыг хүлээж, шагналыг бодож уран бүтээл туурвидаггүй.Тийм учраас зөвхөн миний уран бүтээлд ирж байгаа, миний хамтарч ажилладаг хүмүүс, миний хөдөлмөрийг шагнасан гэж би ойлгож явдаг.
-Таньд эрүүл энх, сайн сайхан бүхнийг хүсэн ерөөе.
Сэтгэгдэл (0)
Сэтгэгдэл бичигдээгүй байна