АНУ нь Тайвань аралд "M1A2 Abrams" танк 108 ширхэг, зөөврийн зенитийн пуужингийн багц "Stinger" 250 ширхэгийг зарах шийдвэр гаргажээ. Тайвань нийт 2,2 тэрбум доллараар америкаас зэвсэг худалдан авч байгаа аж.
"South China Morning Post" сонины мэдээлснээр Тайвань эдгээр зэвсэглэлийг авах хүсэлтээ АНУруу зургаадугаар сард явуулсан байжээ. Дээр дурдагдсан зэвсгээс гадна тайванчууд танк эсэргүүцэгч пуужин "BGM-71 TOW", "409 FGM-148 Javelin" 1240 ширхэгийг авах хүсэлтэй байсан аж. Мөн Тайваны эрх баригчид нь өөрийн зэвсэглэлд байгаа сөнөөгч онгоцуудаа шинэчлэх шаардлагатай гэж үзээд АНУ-аас F-16 онгоцны хамгийн сүүлийн үеийн "Viper" хувилбараас нь 66 ширхэгийг авах хүсэлтээ явуулаад байгаа. Тайваны энэ хүсэлтийг АНУ-ын Төрийн департамент аль хэдийн зөвшөөрсөн тул одоо Конгресс хүсэлтийг нь авч үзээд зөвшөөрөл өгөх л үлдээд байгаа.
БНХАУ нь Тайванийг өөрийн нутаг дэвсгэрийн салшгүй хэсэг гэж үздэг тул тийш ямарваа нэг зэвсэг техник нийлүүлэхийг маш хатуу эсэргүүцдэг.Зарим судлаач нь АНУ нь Хятадтай явуулж байгаа худалдааны дайндаа илүү ашигтай байр суурьтай болох үүднээс санаатайгаар Тайвань арал их хэмжээний зэвсэг нийлүүлэн Бээжинд дарамт шахалт үзүүлж байна гэж үзжээ.
Сэтгэгдэл (0)
Сэтгэгдэл бичигдээгүй байна