АНУ-ын Ерөнхийлөгч Дональд Трамп Их Британиас Вашингтонд суугаа Элчин сайд Ким Дэррокийг "их зантай тэнэг" гэж нэрлэжээ. Тэрээр өөрийн Twitter хуудсандаа "АНУ-д суулгахаар Их Британиастомилсон мэдрэл муутай Элчин бол бидний баяртай угтах хүн биш. Тэр бол тэнэг залуу. Би Элчинтай биечлэн танилцаагүй ч түүнийн надад "их зантай тэнэг" гэж хэлж байсан" гэжээ.
Долоодугаар сарын 6-нд Британийн "Daily Mail" сонин нь Дэррок Элчин сайдын удирдлагадаа явуулж байсан мэдээллүүдээс иш татан хэвлэсэн юм. Эдгээр ишлэлд Элчин сайд нь Трампыг удахгүй улс төрийн тавцангаас гутамшигтайгаар хөөгдөнө, Захиргааг нь арчаагүй, чадваргүй, Оросын санхүүчид Трамп болон түүний гэр бүлийнхэнд мөнгө зээлдүүлсэн байж болзошгүй гэх мэт зүйл бичсэн байсан нь маш их дуулиан тарьсан. Үүний дараагаар Их Британий Засгийн газар, Гадаад харилцааны сайд нь тун эвгүй байдалд орж тайлбар хийхээс өөр аргагүй байдалд орсон. Их Британий Гадаад харилцааны яамны төлөөлөгч нь Элчин сайдын бичсэн нууцын зэрэглэлтэй мэдээллүүд алдагдсанд харамсаж байгаагаа мэдэгдээд хоёр улсын харилцаанд энэ явдал нөлөөлөхгүй гэдэгт найдаж байгаа гэсэн.
Сэтгэгдэл (0)
Сэтгэгдэл бичигдээгүй байна