Үндсэн хуулийн нэмэлт өөрчлөлттэй холбоотой Ерөнхийлөгчийн засаглалыг ард иргэдээсээ асууя гэх Ерөнхийлөгчийн байр суурийг УИХ-ын гишүүн, Хууль зүйн байнгын хорооны дарга Х.Нямбаатараас тодрууллаа.
УИХ-ын гишүүн, Хууль зүйн байнгын хорооны дарга Х.Нямбаатар: Ард нийтийн санал асуулгаар асуух 40 гаруй зүйл заалтыг дахиж нэмж, найруулгын бүх засварыг нягтлах санал хураалтыг бүх зүйл заалт бүрээр 57-оос дээш саналаар явуулна. Эцэст нь ард нийтийн санал хураалтын тогтоолыг иргэдэд хүргэх ийм жуцрмаар явагдана. Иргэдээс одоо хүчин төгөлдөр үйлчилж байгаа ард нийтийн санал асуулгаар гурав хүртэл асуулт асууна. Мэдээж хуулийнхаа төсөлтэй танилцах хугацаа иргэдэд олгоно. Ард нийтийн санал асуулгын товлогдсон өдөр, үндсэн хуульд нэмэлт өөрчлөлт оруулахыг дэмжиж байна, дэмжихгүй байна гэсэн хоёр утгаар явагдана. Одооноос ярьж эхэлнэ. Ерөнхийлөгчийн засаглалтай байх нь зөв буруу гэдгийг асуултад оруулах боломжгүй. Сая бид нар 57-гоос дээш саналаар бүх үндсэн хуулийн тодорхой зүйл заалт болгоныг их хурлын хоёр удаагийн хэлэлцүүлгээр батлагдсан энэ асуултынхаа хүрээнд л явагдана шүү дээ. Тэрнээс биш чуулганаар хэлэлцээгүй, үндсэн хуулийн нэмэлт өөрчлөлтийн төсөлд хэлэлцэгдээгүй асуудлыг санал асуулгаар явуулах боломжгүй.
Сэтгэгдэл (0)
Сэтгэгдэл бичигдээгүй байна