Өнгөрөгч долоо хоногт ТЕГ, Цагдаагийн байгууллагаас гүйцэтгэх ажиллагаа явуулж нэр бүхий гурван зочид буудал буюу Амар","Кентавр", "Ориентал" болон Юнион билдинг оффист байрлаж хууль бус үйл ажиллагаа явуулж байсан байж болзошгүй 780 гаруй иргэнийг баривчилсан байдаг. Улмаар БНХАУ-ын 759 иргэнийг МУ-ын хилээр албадан гаргасан билээ. Энэхүү хэргийг зохион байгуулсан гэх үндэслэлээр Монгол улсын хоёр иргэн, Хятад улсын 14 иргэнийг саатуулан, шалгаж байсан. Тэгвэл энэхүү тоо нь нэмэгдэж Хятад улсын 28 иргэн, Монгол улсын хоёр иргэнийг цагдан хорьж, шалгаж эхэлсэн тухай эх сурвалжууд мэдээлж байна. Тодруулбал 780 гаруй Хятад иргэнийг албадан буцаах байсан ч 28 иргэнийг шалгах шаардлагатай гэж үзэж авч үлджээ.
Тагнуулын ерөнхий газар, Эрүүгийн цагдаагийн газар болон Гадаадын иргэн, харьяатын газрын шалгалтаар 783 гадаадын иргэний пасспорт, бичиг баримтад шалгалт хийсэн бөгөөд 637 нь жуулчин ангиллын, 146 нь бизнес ангиллын 30 хүртэл хоногийн визтэй ирсэн БНХАУ-ын иргэд ирсэн зорилгоосоо өөр үйл ажиллагаа явуулсан болох нь тогтоогдсон юм.
Сэтгэгдэл (0)
Сэтгэгдэл бичигдээгүй байна