Өмнөд Солонгосын Засгийн газар макро эдийн засгийн таагүй нөхцөл байдлын улмаас хүнд байдалд ороод байгаа эх орны үйлдвэрлэгчдэдээ үзүүлдэг санхүүгийн дэмжлэгээ 2,3 их наяд воноор нэмэгдүүлэхээр болсон тухай "KBS" суваг мэдээлсэн байна. Өмнөд Солонгосын Худалдаа, аж үйлдвэрлэл ба эрчим хүчний яамны төлөөлөгчдийн мэдээлснээр 2020 онд санхүүгийн дэмжлэгийн хэмжээ 158 их наяд вон болно. Эдгээрээс стартапууд, жижиг ба дунд үйлдвэрлэлд үзүүлэх санхүүгийн дэмжлэг 200 тэрбум вон хүрнэ. Мөн компаниудын экспортолж байгаа барааны нэр төрөл ба нийлүүлэх улс орнуудын цар хүрээг тэлэхэд 300 тэрбум вон зарцуулах аж. Өмнөд Солонгосын Худалдаа, аж үйлдвэрлэл ба эрчим хүчний яам нь "Бид эх орны компаниудаа олон улс зах зээл дээрх арилжааны нөхцөл байдлын өөрчлөлтөд шуурхай хариу өгч байх тал дээр үргэлжлүүлэн ажиллах болно" гэж мэдэгджээ.
Сэтгэгдэл (0)
Сэтгэгдэл бичигдээгүй байна