АТҮТ: ШШГЕГ-ын хүсэлтээр Ц.Нямдоржийн хүүгийн нэр дээр 0101 УБҮ улсын дугаарыг шилжүүлсэн

Өнгөрсөн жил Хуульзүйн дотоод хэргийн сайд Ц.Нямдорж нь 300 орчим сая төгрөгийн ханштай 2018 оны "Lexus-570" маркийн автомашин хөлөглөж олны дургуйцлийг хүргэсэн. Монгол Улсын Ерөнхий сайд У.Хүрэлсүх шударга сайдынхаа энэ тансаглалд цэг тавьж буцааж зарахыг үүрэгдсэнээр дуулиан дуусч байв. 170 иргэн 60 насандаа тэтгэвэрт гаралгүй, таван жил илүү ажиллах цалинтай тэнцэх хэмжээний өндөр өртэйгтэй тансаг зэрэглэлийн өнөөх автомашинд зүүлттэй байсан "0101-УБҮ" автомашины улсын дугаар Ц.Нямдоржийн төрсөн хүү Н.Баясгалангийн жийп автомашинд зүүлттэй явах юм.

Тэгвэл энэ асуудлаар АТҮТ-ийн ахлах мэргэжилтэн Ш.Найданхүүгээс тодруулахад " ШШГЕГ-ын хэлтсийн даргын албан бичгээр ХЗДХ-ийн сайд Ц.Нямдоржийн ашиглаж байсан 01-01 УБҮ дугаарыг сольсон. Солигдсон дугаар нь харин Ц.Нямдоржийн хүүгийн автомашинд ирсэн байна." гэлээ