Болгарын МиГ-29 онгоцны 8 хөдөлгүүр худалдан авахаар болжээ

Болгарын Засгийн газар зэвсэглэлдээ байгаа найман ширхэг МиГ-29 сөнөгч онгоцны хөдөлгүүрий солиход 8 сая евро зарцуулахаар болсон тухай тус улсын сайд нарын танхимын хэвлэлийн албанаас мэдээлжээ.

Америкаас худалдан авахаар тохиролцсон F-16 сөнөөгч онгоцыг нийлүүлж эхлэх хүртэл Оросын МиГ-29 онгоцны ашиглалтыг уртасган агаарын орон зайгаа өөрийн хүчээр хянаж, НАТО ба Европын холбооны өмнө хүлээсэн хамтын аюулгүй байдлыг хангах үүргээ тасралтгүй гүйцэтгэх боломжтой болох юм байна.

Шаардлагатай хөрөнгийг Болгарын Батлан хамгаалах яамны төсвөөс гаргахаар болсон. Болгар нь зэвсэглэлдээ байгаа Зөвлөлтийн үеийн МиГ-29 онгоцыг орлуулахыг тулд АНУ-аас F-16 Block 70 сөнөөгч онгоц худалдан авах гэрээ байгуулсан юм. Гэрээ ёсоор 2023 он хүртэлх хугацаанд Болгар нь нэг суудалтай зургаа, хоёр суудалтай хоёр сөнөөгч онгоц ба тэдгээрийн зэвсэглэл, ажиглалтын системийг худалдан авахтай зэрэгцэн нисгэгчид ба газар дээрх засвар үйлчилгээний мэргэжилтнүүдийг бэлдүүлж авна.