Хойд Солонгос нь зул сарын баяр болох гэж байгааг тохиолдуулан АНУ-д өгөх бэлэг бэлдсэн тухай тус улсын ГХЯ-ы нэгдүгээр орлогч РиТхэ Сон мэдэгдсэнийг CNN агентлаг уламжилсан байна.
АНУ-д удирдлагуудын их ярьж, сурталчлаад байгаа Солонгосын хойгийг цөмийн зэвсэггүй бүс болгох тухай харилцан яриа нь үнэн хэрэг дээрээ Америкийн Ерөнхийлөгчийн сонгуульд улс төрийн зорилгоор ашиглахын тулд Хойд Солонгосын бодит үр дүнгүй ярианд татан оруулах "тэнэг ов мэх" гэж Хойд Солонгосын Гадаад хэргийн сайдын нэгдүгээр орлогч мэдэгдсэн аж. Тэрээр "Зул сараар Хойд Солонгосоос ямар бэлэг авах нь дан ганц АНУ-ын мэдэх хэрэг" гээд Вашингтон ба Пеньяны хооронд явагдаж байгаа хэлэлцээний үр дүн нь бэлгийн агуулгыг тодорхойлно гэжээ.
АНУ-ын Хойд Солонгосын асуудал хариуцсан тусгай төлөөлөгч СтивенБигел нь Америкийн удирдлага Хойд Солонгосыг цөмийн зэвсгээс татгалзуулах талаар хэлэлцээгээ үргэлжлүүлэх бодолтой байгаа тухай мэдэгдэж байсан юм. 2017 онд Хойд Солонгос нь тив алгасан нисэх чадвартай анхны баллистик пуужингаа хөөргөхдөө АНУ-д бэлэг барьж байна гэж мэдэгдэн ихээхэн дуулиан тарьж байсан юм. Өөрөөр хэлбэл Америкийн далайн эргийн хотуудад цөмийн цохилт өгөх боломжтой баллистик пуужинтай улс болсноо зарлаж байсан.
Сэтгэгдэл (0)
Сэтгэгдэл бичигдээгүй байна