Өнгөрсөн сард БНХАУ-ын 800 гаруй иргэн Монголын томоохон буудлуудад орогнож хууль бус ажиллагаа явуулж байсан. Энэ үйдлийг БГД-ийн цагдаагийн хэлтэс шалгаж анх илрүүлсэн юм. Эдгээр хятад иргэдийн хэрэглэж байсан 10 000 бүртгэлгүй дугаарын дийлэнхийг "Жи мобайл" компанийн номер эзэлж байсан тухай хуулийн байгууллагаас мэдээлж байв. УИХ-ын гишүүн Ж.Батзандан эдгээр 800 иргэнийг оруулж ирэх асуудлаар "Хуан" гэдэг хятад иргэн Монгол Улсын Засгийн Газрын хоёр сайдтай уулзсан тухай ярьсан нь анхаарал татав. Тэгвэл төд удалгүй "Хуан"-тай Шадар сайд Ө.Энхтүвшин уулзсан, тэд надтай "айти"-гийн чиглэлээр хамтарч ажиллах санал тавьсан гэв. Харин өөр ямар сайд урд хөршийн иргэнтэй уулзсан бэ гэдгийг бид эрэн сурвалжлав. "Хуан" нь БНХАУ-ын бизнес эрхлэгч бөгөөд казино тоглоом ажиллуулах талаар манай улсын төрийн томчуудтай уулзалт хийжээ. Тэрбээр өнгөрсөн наймдугаар сард хоёр ч удаа БОАЖ-ын сайд Н.Цэрэнбаттай уулзсан байна. Анхны уулзалт нь "river beach resort" -д болсон бол дараагийн уулзалт нь "Их тэнгэр"-ийн аманд болжээ. Тус зураг нь уулзалтын үеэр авхуулсан бөгөөд хамгийн цаад талынх нь хүн Хуан аж.
Сэтгэгдэл (0)
Сэтгэгдэл бичигдээгүй байна