Д.Одбаяр: Хүн андуурч байгаа нь ойлгомжтой байсан

ҮХЦ-ийн гишүүн Д.Одбаяр хэвлэлд ярилцлага өгчээ. Д.Одбаяр хэвлэлд өгсөн ярилцлагадаа "Би үйлчлэгчийн бие, өгзөгт байтугай гарт нь ч хүрээгүй. Ороод нэг лааз пиво авч уусан. Тэгсхийгээд унтаад өгсөн. Онгоц газардахаас 30 гаруй минутын өмнө ариун цэврийн өрөөг хаах гэж байгааг зорчигчдод сануулж гурван алхмын цаана байх 00-ын өрөө рүү орсон. Гарч ирэхэд үйлчлэгч бололтой өндөр залуу намайг зогсоогоод уучлалт гуйхыг шаардсан. Юуны төлөө уучлалт гуйх ёстойгоо ойлгоогүй. Уучлалт гуйх ямар нэгэн хэрэг хийгээгүй гэдгээ хэлтэл "Та манай үйлчлэгчтэй эвгүй харьцсан, биед нь хүрсэн" гэж хэлсэн. Ерөөсөө тийм юм болоогүй, би 00-оос гарч ирж байна гэдгээ тайлбарласан. Онгоцны монгол үйлчлэгч зорчигчдын заалнаас ирээд надад "Тантай хамт яваа хүн манай үйлчлэгчийн биед хүрсэн" гээд суудлын дугаарыг нь хэлсэн. Хүн андуурч байгаа нь ойлгомжтой байсан. "Монгол хүн чинь нэгнээ хамгаалах ёстой биз дээ". Тэгэхээр нь би "Та нар гэмгүй хүнийг баривчилж саатуулж болохгүй" гэж маргасан. Хамт яваа монгол хүнээ өмөөрч маргаж байхдаа МУ-ын үндсэн хуулийн шүүхэд ажилладаг хүн худлаа ярихгүй гэж албан тушаалаа хэлсэн нь Солонгосчууд болон хэвлэлийнхэнд нь асуудлыг дэвэргэхэд хүргэсэн гэж онцлон ярьжээ. Мөн тэрбээр онгоцны үйлчлэгчтэй зүй бусаар харьцсан нь нотлогдох камерын бичлэг байвал цэцийн гадаа зогсоод өндөг шидүүлье гэжээ.

Түүний хэргийг эргэн сануулахад ҮХЦ-ийн даргаар ажиллаж байсан Д.Одбаярыг онгоцны үйлчлэгчийн биед зүй бусаар хүрч, бэлгийн дарамт үзүүлэхийг завдсан гэх үндэслэлээр БНСУ-ын Инчеоны цагдаагийн Мөрдөн хэлтсээс шалгаж долоон сая вонн буюу 6008 ам.доллараар торгон, эх орон руугаа буцахыг нь зөвшөөрсөн. 52 настай Доржийн Одбаярыг хүнд хэрэг үйлдээгүй тул шүүх хурал хийлгүйгээр хэргийг хялбаршуулсан журмаар шийдсэн гэдгийг тухайн үед БНСУ-ын хэвлэлүүд онцолж байв.