Австралийн Холбооны Улсад болсон Ази, Номхон далайн орнуудын парламентын 28 дугаар чуулганд манай улсаас УИХ-ын дарга Г.Занданшатар, УИХ дахь МАН-ын бүлгийн дарга Д.Тогтохсүрэн, УИХ-ын гишүүн Д.Лүндээжанцан, Ж.Мөнхбат, УИХ дахь АН-ын бүлгийн дарга Д.Эрдэнэбат нарын төлөөлөгчид оролцоод, өчигдөр эх орондоо ирсэн байна.
Харин айлчлалын багийн гишүүд казино тоглож байгаа нь гэрэл зургаар баталгаажин манай редакцид ирснийг бид мэдээлсэн. Казино тоглож байгааг баталгаажуулсан тус гэрэл зурагт УИХ дахь МАН-ын бүлгийн дарга Д.Тогтохсүрэн, Ардчилсан намын зөвлөлийн дарга Д.Эрдэнэбат, Австрали улс дахь элчин сайд Б.Чулуунхүү нар байна.
У.Хүрэлсүхийн тэргүүлсэн энэ Засгийн газар “төрийн өндөр албан тушаалтан гадны оронд казино тоглосон нь баримтаар нотлогдвол ажлаас нь чөлөөлөх хүртэлх арга хэмжээ тооцно” хэмээн мэдэгдээд байгаа. Уг мэдэгдэл нь ажил хэрэг болж, өнгөрсөн оны арваннэгдүгээр сард Гаалийн ерөнхий газрын дэд дарга Ё.Бат-Эрдэнэ, “МИАТ” ТӨХК-ийн Сөүл дэх төлөөлөгчийн газрын ажилтан С.Баатарцогт нарыг мөрийтэй тоглосон гэх шалтгаанаар ажлаас нь чөлөөлсөн билээ.
Тэгвэл УИХ-ын дарга Г.Знданшатараар ахлуулсан айлчлалын багийн гишүүд ийнхүү Засгийн газрынхаа баримталж буй зарчмын эсрэг үйлдэл хийж яваа нь ил боллоо. Энэ үйлдлийг УИХ-ын дарга өөрөө мэдэж байсан уу, бүр хамт явсан уу, энэ асуудлын хариуцлага яаж хэрэгжих вэ гэдэг асуултууд хөвөрч байна.
Сэтгэгдэл (0)
Сэтгэгдэл бичигдээгүй байна