Хорт хавдраар нь айлган гаж таашаал авдаг эмчид бүх насаар нь хорих ял оноожээ

Их Британийн шүүх үйлчлүүлэгчдээ хорт хавдраар айлган эмзэг хэсгийн үзлэг хийж, бэлгийн гаж таашаал авдаг байсан эмчид гурван удаа бүх насаар нь хорих ял ногдуулсан тухай “The Guardian” бичсэн байна.

Маниш Шах гэгч ерөнхий чиглэлийн эмч охид, эмэгтэйчүүдийг хөхний хорт хавдраар өвдсөн байж болзошгүй тул заавал эмзэг, нууц хэсгийн үзлэгээр орох ёстой гэж итгүүлдэг байж. Тэрээр гэр бүлд нь хөхний хорт хавдрын тохиолдол илэрч байсан эмэгтэйчүүдийг сонгон авч, Анжелина Жоли гэх мэт хөхний хорт хавдарт туссан алдартнуудаар жишээ татан үзлэгт орохыг ятгадаг байжээ.

Гаж донтон эмч ийм замаар 2009-2015 онуудад 25 удаагийн ёс бус үзлэг хийсэн хэрэгт буруутай болохыг шүүхээс тогтоосон байна. Үүний өмнө буюу 2018 он адил өөр 18 эмэгтэйд шаардлагагүй үзлэг хийж гаж таашаал авсан хэрэгт буруутай гэж үзээд байжээ. Энэ хоёр хэрэг дээр шүүхээс түүнд 15 жил хорих хүртэл ял ногдуулж магадгүй гэж яригдаж байсан. Гэвч Их Британийн шүүхээс Маниш Шах эмчийг ийм ёс бус үйлдэл гаргахдаа бэлгийн гаж зуршлаа хангахаас гадна эмэгтэйчүүдийг эрхэндээ оруулах, зарим тохиолдолд илэрхий доромжилсон гэж үзээд ийм хатуу ял ногдуулжээ.