Энэ оны хоёрдугаар сарын 18-19-нд шилжих шөнө энэхүү харамсалтай хэрэг гарсан байна.Тодруулбал Говь-Алтай аймгийн Засаг дарга В.Рэнцэндоржийн албан ажлын өрөөнд тус харамсалтай хэрэг болсон тухай эх сурвалжууд мэдээлж байна.
Тодруулбал Засаг дарга В.Рэнцэндорж тухайн өдөр орлогчийнхоо төрсөн өдрийг, тамгаа гардаж аваад удаагүй байгаа тамгын газрын даргынхаа шинэ ажлыг мялааж байсан бөгөөд архидалт болох үед Засаг даргаас гадна Засаг даргын орлогч Я.Эрхэмбаяр, тамгын газрын дарга н.Отгонбаяр нар хамт байсан гэх мэдээлэл бий. Тухайн өдөр талийгаач эмэгтэйг гэртээ байхад нь дуудаж ирүүлсэн бөгөөд Говь-Алтай аймгийн Засаг дарга Талийгаач Б-г өмнө нь ажлаа өгөхийг шаардаж байсан гэх мэдээллийг албан бус эх сурвалжууд мэдээлж байна.
Талийгаач Б нь 2016 онд тус аймгийн ГБХЗХХ-ийн даргаар томилогджээ. Ажилдаа хичээнгүй, идэвхи санаачлагатай, зүтгэлтэй ажилладаг сайн ажилтан байсныг ГБХЗХГ-аас хэлж байгаа юм. Талийгаач Б нь сэтгүүлч мэргэжилтэй ТВ5 болон орон нутгийн хэвлэлд ажиллаж байсан нэгэн байжээ.
Манай сурвалжлах баг яг одоо Говь-Алтай аймагт ажиллаж байна.
Говь-Алтай аймгийн Засаг дарга өрөөндөө архи, согтууруулах ундаа хэрэглэсэн талаар аймгийн Цагдаагийн газрын Дэд дарга Н.Эрдэнэ-Очироос тодруулахад дараах тайлбарыг тэрээр “Аймгийн Засаг даргын захирамж гараад Цагдаа, Онцгой байдал, Мэргэжлийн хяналтын ажилтнууд захирамжийн биелэлтэд хяналт хийж, эргүүл шалгалт хийж байна. Архи согтууруулах ундааг даваа ба баасан гарагуудад болон орой 18 цагаас хойш хориглосон шийдвэртэй.
Аймгийн Онцгой комиссын хурал 18-ны орой болоод тарсан юм байна лээ. Цагдаагийн болон Онцгой байдлын албан хаагч нараас хуралд суугаад гараад явсан. Харин дараа нь 18-аас 19-нд шилжих шөнө аймгийн төв дээр ийм дуудлага ирээд одоо шалгаж байна. Энэ хэрэгтэй холбогдуулж хэнийг ч цагдаж хориогүй” гэсэн.
Тэгэхээр энэ өгсөн мэдээллээс үзвэл шинэ коронавирустай холбоотойгоор аймгийн Онцгой комиссоос архи, согтууруулах ундаа хэрэглэхийг хориглосон холбогдох шийдвэрийг гаргасан атлаа тухайн үед 20 цагаа хойш Засаг даргын өрөөнд албан тушаалтнууд архи, согтууруулах ундаа хэрэглэж байсан асуудал гаргажээ. Засаг дарга нь аймгийнхаа Онцгой комиссыг ахалдаг. Тэгэхээр дарга өөрөө өөрийнхөө гаргасан шийдвэрийг зөрчсөн асуудал яригдаж байна. Би үргэлжлүүлээд эмнэлэг ба ГБХЗХХ гэсэн газруудаас мэдээллийг танд хүргэх болно.
Сэтгэгдэл (0)
Сэтгэгдэл бичигдээгүй байна