ШӨХТГ дарга Б.Лхагваас маскны эрэлттэй холбоотойгоор зарим газар хиймэл хомсдол үүсгэсэн эсэх талаарх мэдээллийг өгөхдөө:
- 2019 онд гаднаас оруулж ирсэн ба өөрсдөө үйлдвэрлэсэн нь нийлээд 2,9 сая маск байсан. Харин онц гарснаас хойш хоёрдугаар сарын 1-ээс хоёрдугаар сарын 19-ий хооронд 25 ААН, байгууллага, 21 иргэн 2,8 сая маск оруулж ирсэн байна. Гэхдээ оруулж ирж байгаа нийлүүлэлт бага байна. “Тун фарм” ганц компанийн хүчин чадал хүрэхгүй, байгууллагууд санаачилгаараа нийлүүлж байгаа ч хүрэлцэхгүй байна. Иймд гэнэт хямд маск орж ирнэ гэж хүлээлтгүйгээр өөрсдөө гэрийн нөхцөлд үйлдвэрлэж хэрэглэхийг уриалж байна.
Эм ханган нийлүүлэх төвүүд, эмийн сангуудад шалгалт хийсэн. Үнэхээр цаана нь нөөц байхгүй байна. Ирсэн маскаа зарж байна. Гэхдээ хариуцлагагүй зарим эмийн сангууд “Монос фарм”-ын эмийн сангууд гэх мэт. Тэд өндөр үнээр хувь хүнээс маск аваад 200-300 төгрөг нэмээд зарж байна гээд сууж байна. Монос дээр зөрчлийн хэрэг нээсэн. “Монос”-ын эмийн сангууд өгч байгаа баримтаа худлаа өгч байна. Шалгаж байгаа учраас дэлгэрэнгүй ярих боломжгүй байна. Бид гаалиас авсан мэдээллийн дагуу хэдэн төгрөгөөр оруулж ирээд хэдэн төгрөгөөр зарж байгааг шалгаад эхэлсэн гэж ярив.
Сэтгэгдэл (0)
Сэтгэгдэл бичигдээгүй байна