Хан-Уул дүүргийн Газрын албаны дарга н.Мөнхбаатарыг АТГ-ын Мөрдөн шалгах хэлтсийнхэн уржигдар бусдаас хахууль авч байхад нь үйлдэл дээр нь саатуулан хорьсон тухай мэдээлэл гараад байна. Түүнийг албан тушаалаа урвуулан бусдад газар эзэмшүүлэх гэрчилгээ олгохын тулд 80 сая төгрөгийн хахууль авсан хэмээн буруутгаж байгаа юм байна. Хан-Уул дүүргийн нутагт 2016 оноос хойш газар олгох нэг ч захирамж Засаг дарга нь гаргаагүй бөгөөд гадаадын хөрөнгө оруулалттай нэг компанийн удирдлага газар эзэмших зөвшөөрөл олж авахын тулд бусдаар дамжуулан н.Мөнхбаатарт их хэмжээний авилга өгсөн гэсэн мэдээлэл байгаа юм. Түүнийг 48 цагийн хугацаатай цагдан хорьсон байна.
Сэтгэгдэл (0)
Сэтгэгдэл бичигдээгүй байна