-“Эрдэнэс” бонд нь жилийн 6 хувийн өгөөжтэй 6 жилийн хугацаатай. Тэтгэврийн зээл тэглэх санхүүгийн механизмыг анхнаасаа Монгол банкны санаачилга дээр үндэслэж хийгдсэн ажил. Тийм учраас үүнийг Монгол банк зохицуулж өгөх юм. Энэ удаад арилжааны банкнуудтай Монгол банк урьдчилаад тохиролцсон дагуу явагдаж байгаа юм. Тиймээс өнөөдөр манай 6 хувийн хүүтэй бондыг худалдан авах гэрээг өнөөдөр байгуулж байна. Энэ бондын 63,6 хувийг “Хаан банк”, 22, 3 хувийг нь “Төрийн банк” авсан үлдсэн хувийг нь бусад долоон банк авлаа.
-Салхитын мөнгөний орд хэзээнээс эдийн засгийн эргэлтэд орох вэ?
-Салхитын мөнгөний ордын шинэ ТЭЗҮ гарсан. Ордын үйл ажиллагаа эхэлсэн, явж байгаа. Оны өмнө Монгол банканд алт, мөнгө худалдах гэрээг хийсэн. Гэрээний дагуу бид 570 кг мөнгөний дээжийг тушаасан. Тэтгэврийн зээл холбоотой санхүүгийн эх үүсвэрийг бий болгохын тулд баяжуулах үйлдвэрээ маш богино хугацаанд барих ёстой. Олборлолтыг идэвхжүүлэхийн тулд “Эрдэнэс-Сильвер ресурс” охин компани маш хурдтай ажиллаж байгаа.
-Хаалттай дотоод бондыг гаргаснаар эдийн засагт ямар нөлөө үзүүлэх вэ?
-Энэ бондын буцаан төлөгдөх барьцаа нь зөвхөн Салхитын мөнгөний орд. Батлагдсан нөөцийн тайлан дээр суурилсан шинэ ТЭЗҮ гарсан. Ингээд мөнгөний чөлөөт үлдэгдэл нь 5 жилийн хугацаанд 583 тэрбум төгрөг. Үүн дээр үндэслээд гаргаж байгаа юм. Мөн орлогын татвараас чөлөөлөх асуудлыг шийднэ. Ингэвэл 780 тэрбум төгрөгийг эх үүсвэр гарч ирнэ.
Сэтгэгдэл (0)
Сэтгэгдэл бичигдээгүй байна