Говь-Алтай аймгийн Гэр бүл хүүхэд залуучуудын хөгжлийн хэлтсийн дарга Б нь харамсалтайгаар амиа алдсан асуудлыг манай сайт Говь-Алтай аймгаас шууд дамжуулан үзүүлсэн байдаг. Тус аймгаас зариг.мн сайтаас гадна товч.мн сайт мэдээллийг шууд дамжуулан хүргэсэн. Гэвч энэ үеэр товч.мн сайтын сэтгүүлч, зураглаач нар Улаанбаатараас" Мэдээлэл холбооны сүлжээ ХК"-ийн нэр дээр байдаг 62-05 УБЭ улсын дугаартай саарал өнгийн ланд 200 маркийн авто машинаар Говь-Алтай аймагт хүргүүлсэн гэдгийг бид баримтаар мэдээлсэн. Тэгвэл Төрийн өмчийн бодлого зохицуулалтын газраас "Мэдээлэл холбооны сүлжээ" ХК-ийн нэр дээр байдаг 62-05 УБЭ улсын дугаартай саарал өнгийн ланд 200 маркийн авто машин ямар ажлаар Говь-Алтай аймагт явсныг тайлагнахыг шаардсан албан бичиг явуулжээ. Учир нь "Мэдээлэл холбооны сүлжээ" ХК нь Төрийн өмчийн бодлого зохицуулалтын газрын харьяа компани юм.
Сэтгэгдэл (0)
Сэтгэгдэл бичигдээгүй байна