БНСУ-д нас барсан О-гийн эхнэрийг тусгаарлажээ

Бүгд найрамдах солонгос улсад элэгний мэс засалд орохоор очсон Монгол Улсын иргэн О нь шинэ коронавирусын халдвар авч нас барсан юм. Талийгаач нь Эрдэнэтийнх байсан бөгөөд түүний ар гэрийнхэн шарилыг нь яаралтай авах хүсэлтийг Гадаад харилцааны яаманд тавьжээ. Энэ дагуу Гадаад харилцааны яам нь БНСУ-д суугаа Монгол Улсын элчин сайдын яаманд хандаж өчигдөр талийгаачийн шарилыг тус улсад чандарлуулсан аж. БНСУ-аас шууд нислэг байхгүй учир Япон улсаар дамжуулж маргааш нас барсан иргэн О-гийн чандарласан шарилыг Монгол авч ирэхээр болсон байна. Талийгаачийг асарч байсан түүний эхнэрийг БНСУ-ын эмнэлэгт тусгаарлажээ.