МУ-ын Ерөнхийлөгч өнөөдөр БНХАУ-д очоод, оройдоо буцаж ирнэ. Тусгай үүргийн нислэгээр яваад ирэх бөгөөд уулзалтын хугацаанаас шалтгаалан ирэх цаг нь одоогоор тодорхойгүй байна. Халдварын голомт болсон улс руу зорчиж байгаа учир УОК-оос зөвшөөрөл авсан байна.
Ерөнхийлөгчийг дагалдан арав гаруй хүн явж байгаа бөгөөд журмын дагуу тэднийг ирсэн даруйгаас тусгаарлах юм байна. Өөрөөр хэлбэл, оношилгоо, шинжилгээнд хамруулж, 14 хоног тусгаарлана.
Айлчлалын хүрээнд Төрийн тэргүүн БНХАУ-ын Дарга Ши Жиньпин, Төрийн зөвлөлийн Ерөнхий сайд Ли Көцян нартай уулзаж, цаг үеийн асуудлаар ярилцахаар төлөвлөжээ. Энэ удаагийн айлчлал амжилттай болсноор Монгол Улс, БНХАУ-ын дээд, өндөр түвшний харилцан айлчлалын давтамжийг хадгалж, итгэлцлийг бэхжүүлэх, Иж бүрэн стратегийн түншлэлийн харилцааг бататгахад чухал түлхэц болох юм гэж Гадаад харилцааны яамнаас мэдээлсэн.
Сэтгэгдэл (0)
Сэтгэгдэл бичигдээгүй байна