Өнөөдөр НМХГ-аас шатахуун түгээх станцуудад хийгдсэн хяналт шалгалтын талаар мэдээлэл хийлээ. Нийслэлийн нутаг дэвсгэрт зөвшөөрөлтэй үйл ажиллагаа явуулдаг 17 аж ахуй нэгжийн 217 шатахуун түгээх станц хамрагдсан байна. Үүнээс Петростар ХХК-ийн 1, Содмонгол групп ХХК-ийн 2, М ойл компанийн 2, нийт 5 шатахуун түгээх станцыг улсын комисст хүлээлгэж өгөөгүй үйл ажиллагаа явуулж байсан нь тогтоогджээ.
Тэс петролиум ХХК, Синчи ойл ХХК-ийн шатахуун түгээх талбайд суурилуулсан таван автомашин хийгээр цэнэглэх байгууламжийг байнгын ашиглалтанд өгөөгүй ашиглаж байсан тул улсын ахлах байцаагчийн актаар үйл ажиллагааг зогсоож, цахилгаан хангамжийг хязгаарлан торгуулийн арга хэмжээг авсан байна.
Харин шингэрүүлсэн хийн түлш цэнэглэх үйл ажиллагаа явуулдаг аж ахуй нэгж байгууллагуудад хийсэн шалгалтаар Горгаз ХХК, Дашваанжил ХХК, Юнигаз ХХК зэрэг 40 байгууллага хамрагджээ. Эдгээрээс 22 нь ШТС-ын талбай дээр ажиллаж байсан нь хөдөлмөрийн аюулгүй байдлыг зөрчиж байна. Харин Горгаз, Дашваанжил ХХК стандартын дагуу үйл ажиллагаа явуулж байж.
Шалгалтанд хамрагдсан 32.5 хувь нь улсын комиссоор байнгын ашиглалтанд хүлээлгэж өгөөгүй автомашин хийгээр цэнэглэх станц байршуулан шингэрүүлсэн шатдаг хий худалдаалах үйл ажиллагаа явуулж байсан зөрчил илэрсэн нь "Газрын тосны бүтээгдэхүүний тухай" хуулийн 9.3.5, "Барилгын тухай" хуулийн 37.6 заалтуудыг зөрчиж байна. Зөрчил гаргасан 13 газар байгаагаас Горгаз ХХК-ийн 5 , Тэс петролиум ХХК-ийн 4, Дашваанжил ХХК-ийн 3, Синчи ойл ХХК-ийн 1 байна.
Барилгын тухай хуулийн 48.2-т заасны дагуу зөрчилтэй үйл ажиллагаа явуулж байгаа станцын цахилгаан хангамжийг түр хугацаагаар хязгаарлан хуулийн дагуу таван сая төгрөгийн торгуулийн арга хэмжээ авч ажиллажээ.
Сэтгэгдэл (0)
Сэтгэгдэл бичигдээгүй байна