ОБЕГ-ын хэлтсийн дарга, дэд хурандаа Д.Хонгор:
-Нийслэлээс орох гарах хөдөлгөөнийг гуравдугаар сарын 2-н хүртэл хязгаарласан. Гэхдээ хүндэтгэн үзэх шалтгаантай хүмүүсийг оруулна гэж тогтоолд заасан байгаа. Үүнд: жирэмсэн, ар гэрийн гачигдал, эмнэлгийн яаралтай тусламж авах. Эдгээр тохиолдолд холбогдох бичиг баримтыг үндэслэн Улаанбаатар руу орох, гарах зөвшөөрлийг олгох юм. Үүнээс бусад тохиолдолд Улаанбаатараас гарах орох бүх хөдөлгөөнийг хязгаарласан. Мөн Өмнөд Солонгос, Японтой гуравдугаар сарын 11-нийг хүртэл нислэгийг цуцалсан. ОХУ ба Казахстан руу хийх нислэгт өөрчлөлт оруулах талаар холбогдох газрууд ажиллаж байна. ОБЕГ-ын харьяа давтан сургалт, сэргээн засалтын төв дээр Бусан-Улаанбаатар чиглэлийн нислэгээр ирсэн 17 хүн, Хятадад айлчлал хийсэн нисэх бүрэлдэхүүний 11, БНСУ-аас Улаан Үдээр дамжин ирсэн 13 гээд нийт 41 хүнийг тусгаарлан ажиглаж байна. Өнөөдрийн байдлаар ажиглалтад байгаа хүмүүсийн биеийн байдал хэвийн байна.
Сэтгэгдэл (0)
Сэтгэгдэл бичигдээгүй байна