Хан-Уул дүүргийн Засаг даргын 2020 оны хоёрдугаар сарын 18-ны өдрийн А-88 тоот тушаалаар Богдхан уулын дархан цаазат газарт хөл хорио тогтоосон. Энэ дагуу 2020 оны гуравдугаар сарын 2-ны өдөр хүртэл Богдхан уулын дархан цаазат газарт аялал, амралт зугаалга, явган аялал хийхийг хориглоод байгаа юм. Тиймээс Богдхан уулын Дархан цаазат газрын хамгаалалтын захиргааныхан өндөржүүлсэн бэлэн байдалд ажиллаж, Жаргалант, Нүхт, Арцат, Хийморийн овоо, Зайсан, Залаат, Хүрэлтогоот, Чулуут, Бумбат, Төр хурхын амуудаар хүн нэвтрүүлэхгүй байхад хяналт тавин ажиллаж байгаа юм.
Харин Нийслэлийн Засаг дарга С.Амарсайхан өнгөрсөн шөнө тэдний ажлыг шалгажээ. Улмаар "Хариуцсан ажилдаа ѳѳриймсѳг эзэн байх шиг чухал зүйл үгүй! ТХГ-ын улсын байцаагч Одхүү, Барайшир нар үүрийн 04 цагт хариуцлагатай ажиллаж байгаад чин сэтгэлээсээ талархаж, бахархав. Амжилт залуусаа" гэжээ.
Сэтгэгдэл (0)
Сэтгэгдэл бичигдээгүй байна