Манай улс ОХУ-аас дипломат шугамаар коронавирусын оношлуур авахаар болжээ

ОХУ-аас туршлага судлах, суралцах, түргэвчилсэн оношлуурыг нийлүүлэх хүсэлт тавихаар Эрүүл мэндийн дэд сайд Л.Бямбасүрэнгээр ахлуулсан  багийг явуулахаар болсон талаар өнөөдөр ЭМЯ-ны Эмнэлгийн тусламж үйлчилгээний газрын дарга Я. Буянжаргал мэдээлсэн.

Энэ талаар Гадаад харилцааны яамны хэвлэлийн албанаас тодруулахад дипломат шугамаар коронавирусийн оношлуур оруулж ирэх бөгөөд одоогоор тоо нь тодорхойгүй байна гэлээ.

Энэ тухай ОХУ-ын  Өнгөрсөн даваа гаригт Оросын холбогдох албанаас энэ талаар мэдээлжээ.  ОХУ-ын Хэрэглэгчдийн эрх ашгийг хамгаалах албаны тэргүүн Анна Попова нь Орост үйлдвэрлэсэн коронавирус илрүүлэх оношлуурыг Монгол руу илгэх болсон талаар мэдэгдсэн байна. Өмнө нь Хойд Солонгосын тал хүсэлт гаргасны дагуу 1500 ширхгийг явуулсан байжээ.

Анна Попова "Бидэнд боломж бий. ОХУ-ын Ерөнхийлөгчөөс өгсөн үүргийн дагуу хүсэлт гаргасан улсууд руу оношлуурыг явуулж байна" гэжээ.