АН-ын дарга, УИХ-ын гишүүн С.Эрдэнэ:
-Хувь хүний асуудлыг араас нь мөрдөж мөшгөөд байдаг асуудал Ардчилсан намд байхгүй. Ерөнхийлөгч байсан Элбэгдорж гэдэг хүн манай намаас түдгэлзээд бараг 10 жил боллоо. Төрийн тусгай хамгаалалтад байгаа. Төрийн тусгай хамгаалалт хуулиараа аюулгүй байдлыг нь хангах ёстой. Төрийн тусгай хамгаалалт байгаа юм бол ажлаа хий гэж хэлэх гэж байна. Сайханбилэг гэдэг хүн дээр хууль хяналтын байгууллага нь буруутай эсэхийг нь шалгана. Ардчилсан нам бол улс төрийн нам. Ардын нам тэр олон ЖДҮ-чдээ шалгаач. Тэдэнтэй яагаад хариуцлага тооцохгүй байгаа юм бэ. Тэр Ерөнхий сайд нь яагаад тэр шударга ёсны сэлмээ эргүүлэхгүй байгаа юм. Аль нэг гишүүний алдааг намд авчирч наах хэрэггүй. Бүх эрх мэдэлд эрх баригч намд байхад ажлаа л хий.
Манай нам дэнчин аваагүй, урьдчилгаа татвар авсан. Энэ талаарх бүх мэдээ байж байна. Манай нам жил болгон аудит хийж, ил тод тайлагнаж явж байна. Манай нам шиг ил тод улс төрийн нам нэг ч байхгүй. Эрх барьж байгаа МАН хүртэл тайлан өгч байгаагүй, тийм түүх ч байхгүй. Хэн нэгэн хүн манайд татвар төлсөн асуудал нь намын дотоод асуудал. Манай намын дотоод асуудлыг ЗГХЭГ-ын дарга яасан сайн мэддэг юм бэ? Тагнуулдаг юм уу, чагнадаг юм уу? Би Оюун –Эрдэнийг шүүхэд өгнө, шалгуулна. Ямар эх үүсвэрээс ийм мэдээлэл аваад олон нийтэд цацаад суудаг юм. Манай намыг харлуулах гэж нууцтай холбоотой мэдээлэл их задалсан. Хууль хяналтынхан тэр Оюун-Эрдэнэдээ нууц задалсан эрүүгийн хэрэг үүсгэх ёстой шүү дээ. Бид шударга ёсыг хаана ч хэлнэ.
Намайг ямар ч асуудлаар шалгасан зүйл байхгүй. Охин маань хувьцаа худалдаж аваад буцааж зарсан. Зах зээлд байдаг л зүйл. Охиныг маань их зээл авсан гэж хоёр жил гүтгэлээ шүү дээ. Ор үндэсгүй гүтгэлгийн шинжтэй зүйл тасралтгүй явж байна. НД холбоотой нэг ч төгрөгийг хохирлыг үзүүлээгүй байна. Намайг тэтгэврийн даатгалын санг хоосолсон гэж гүтгэлгээ шүү дээ. Гэтэл энэ сан бол нэг ч төгрөгийг үлдэгдэлгүй явж ирсэн юм шүү. Манай төр тэтгэврийн даатгалын санд 14 их наяд төгрөгийг өртэй. Одоо болтол байршуулаагүй байна.
Сэтгэгдэл (0)
Сэтгэгдэл бичигдээгүй байна