Ерөнхийлөгчийн сонгуулийн санал хураалтыг ирэх зургадугаар сарын 26-нд явуулахаар УИХ товлон зарласан. Ерөнхийлөгчийн сонгууль хаяанд ирсэн энэ үед Ардчилсан нам дотооддоо бужигнаантай байгаа бөгөөд намаа шинэчлэх ажил нь одоо ч үргэлжилж байна.
Харин энэ бужигнаантай зэрэгцэн гарч ирч байгаа асуудал бол Ерөнхийлөгчийн сонгуульд хэнийг нэр дэвшүүлэх вэ гэдэг нь намын шаналгаа болоод байна. Одоогоор нэр дэвших сонирхолтой есөн хүн байгаа талаар эх сурвалж мэдээлж байна. Энэ ч үүднээс бүх гишүүдээсээ асууна аа хэмээн С.Эрдэнэ дарга 21 аймагт ажиллахаар замдаа гараад байгаа гэсэн.
Харин сүүлийн үед ерөнхийлөгчийн сонгуульд нэр дэвших боломж, мөнгөтэй эрхэмүүдийн уралдаан болох нь ойлгомжтой боллоо. Учир нь АН нам ерөнхийлөгчийн сонгуульд нэр дэвших эрхэмүүдээсээ НЭГ тэрбум төгрөгийг дэнчин болгож авахаар ярьж байгаа тухай улс төрийн хүрээнийхэнээс бор шувуу нисэх боллоо. Ямартаа ч Монгол Улс тав дахь Ерөнхийлөгчийг сонгох сонгуульд аль намаас хэн нэр дэвших вэ гэдэг тавдугаар сарын 2-нд тодорхой болно.
Сэтгэгдэл (0)
Сэтгэгдэл бичигдээгүй байна