Иргэн Г.Загдааг 6 хэрэгт холбогдуулан яллагдагчаар шалгаж байна

Орон гэргүй иргэдийг өөрийн эзэмшлийн газартаа байлгах үйлчилгээ үзүүлдэг Зөв амьдрах ухаан ТББ-ын тэргүүн Г.Загдаад эрүүгийн хэрэг үүсгэн шалгаж байна. Тодруулбал, Эрүүгийн хуулийн 11.6 дугаар зүйлийн нэгдэх хэсэгт зааснаар Эрүүгийн хэрэг үүсгэж яллагдагчаар татан мөрдөн шалгах ажиллагаа явуулж байгааг ЦЕГ-ын хэвлэл мэдээллийн төвийн дарга Б.Баатархүү мэдээллээ.

Эрүүгийн хуулийн 11.6 дугаар зүйлийн 1-т заасныг тодруулбал, Хүний эрүүл мэндэд хөнгөн хохирол санаатай учруулсан бол дөрвөн зуун тавин нэгжээс нэг мянга гурван зуун тавин нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл нэг сараас гурван сар хүртэл хугацаагаар зорчих эрхийг хязгаарлах ял шийтгэнэ хэмээн заасан байдаг Г.Загдаад холбогдуулан зургаан асуудал шалгагдаж байгаа аж.