НОБГ: Гал түймрийн зургаан дуудлагын тав нь шар өвс шатсан дуудлага ирж байна

Нийслэлийн Онцгой байдлын газарт өнөөдрийн байдлаар гал түймрийн зургаан дуудлага ирсэн талаар мэдээллээ. Ирсэн дуудлагаас тав нь шар өвс шатсан дуудлага байжээ. Тухайлбал, Хан-Уул дүүргийн дөрөвдүгээр хороо Хүннү моллын зүүн урд Арцатын аманд нэг га шар өвс шатсан дуудлага 13:39 цагт ирж 14 алба хаагч унтраахаар ажиллаж байна. Мөн Сүхбаатар дүүргийн 19-р хороонд байрлах "Шарга морьт"-ын аманд түймэр гарч, хэд хэдэн айлын байшин шатжээ. Одоогийн байдлаар галыг унтрааж, шалтгаан нөхцөлийг тогтоохоор Аврах, гал унтраах ангийн алба хаагчид ажиллаж буй юм. НОБГ, НЦУГ, НБОГ хамтарсан эрчимт эргүүл нэмэлтээр ажиллуулахаар болсон ба хуурайшилттай байгаа энэ үед иргэд ногоон бүс, зуслангийн чиглэлд шар өвс шатаахгүй байхыг Онцгой байдлын газраас анхаарууллаа.