Зариг сайтын үзэгч, уншигч иргэдээс хүлцэл өчье

Зариг.мн сайт нь гурван жилийн хугацаанд хэвлэл мэдээллийн салбарт үйл ажиллагаа явуулж, иргэдэд мэдээллийг хүргэхдээ бодит байдлыг газар дээрээс нь ямар нэг эвлүүлэггүй, шууд хүргэн ажиллаж ирсэн.

Харин өчигдөр буюу 2020.04.08-ны өдөр манай сэтгүүлч Сонгинохайрхан дүүргийн 3-р хорооноос мэдээллийг сурвалжлан ажиллахдаа үг сонголтын алдаа гаргаж, уншигч, үзэгч иргэдэд таагүй сэтгэгдэл төрүүлсэнд редакцын зүгээс уучлал хүсэж байна.

Тухайн сурвалжилга нь шууд дамжуулалт байсан учир үгийн алдааг засах боломжгүйгээр үзэгч, уншигч та бүхэнд хүрсэнд харамсаж байгаа тул та бүхэн шууд дамжуулалтын эрсдэлийг тооцон ойлгож, уучлахыг хичээнгүйлэн хүсэж байна.

Бид энэ мэт алдааг дахин гаргахгүйг хичээн, редакцын доторх хариуцлагаа нэмэгдүүлэн, хичээн ажиллах болно. Бидний бэлдсэн мэдээ сурвалжилгыг хүлээн авч, санал шүүмж, зөвлөгөөгөө ирүүлж байдаг нийт уншигч үзэгч та бүхэндээ ямагт талархаж, урам авч ажилладаг билээ.

зариг.мн сайтын редакци

2020.04.09