“Зөв амьдрах ухаан” ТББ-ын тэргүүн Г.Загдааг цагдан хорих 461 дүгээр ангид саатуулжээ

“Зөв амьдрах ухаан” төрийн бус байгууллагын тэргүүн Г.Загдааг өчигдөр  орой 19.00 цагт  үед БЗД-ын цагдаагийн нэгдүгээр хэлтсээс  дайчлан баривчилсан билээ.

Хэдхэн хоногийн өмнө иргэн  Д.Халиунаа “Зөв амьдрах ухаан төв”-д  байх хугацаанд Д.Загдаа болон түүний эхнэр хэрэглээний зардал нэрээр хүүхдийн мөнгийг нь өгдөггүй байсан. Тус төвийн цэцэрлэгт  24 цагаар цалингүй ажиллаж байсан. Зургаан сарын дараагаас байдал улам дордож Д.Загдаа түүнийг дарамталж машин угаалгаж,  үг хэлээр доромжилж, зарим үед цохиж биед нь дураараа хүрч эхэлсэн байна. Цаашлаад эхнэр нь  байхгүй үед гэртээ хүчиндэж хүнд хэлбэл “Ална” гэж сүрдүүлж байжээ. Нэг удаа хоёр залуутай нийлж гурван өдөр хүчирхийлсэн. “Зөв амьдрах ухаан төв”-д Д.Халиунааг зөвхөн Д.Загдаа хүчиндээд зогсохгүй нийгмийн ажилтан нь хүчиндсэн гэж хохирогч мэдээллэж байгаа юм.

 Цагдаагийн байгууллагаас Г.Загдаад хэрэг бүртгэл нээж, мэдүүлэг тайлбар авах хуудсыг хүргүүлсэн ч хүлээж аваагүй учраас түүнийг албадан баривчлан ШШГЕГ-ын харьяа Цагдан хорих 461 дүгээр ангид саатуулжээ.