Covid-19 халдвар авсан хүний тоо хоёр сая давлаа

 Коронавирусний халдвар авсан хүний тоо хоёр сая давж, халдварын тохиолдлын тоо 11 хоногийн дотор хоёр дахин нэмэгджээ.

АНУ-д халдварын хамгийн олон буюу 577 мянга гаруй тохиолдол бүртгэгдэж, 23500 хүн нас баржээ. Тус улсын араас Испани /170 мянга/, Итали /159 мянга/, Франц /137 мянга/, Герман /128 мянга/ жагсаж байна.

Хамгийн их халдварын тохиолдол бүртгэгдээд буй АНУ-д өнгөрсөн 24 цагийн хугацаанд 26 мянга гаруй шинэ халдвар бүртгэгдсэнээр нийт халдвар авагсдын тоо 586 мянга давсан бол нас барагсдын тоо нэг хоногт 1,505-аар нэмэгдэж, 23,610 болжээ. Эдгэрсэн хүний тоо тус улсад 36 мянга болсон байна. АНУ-д бүртгэгдсэн халдварын тоо нь дэлхий дээр бүртгэгдсэн халдварын 30,5 хувийг дангаараа эзэлж байна.

БНХАУ-ын хувьд халдварын 83 мянга гаруй тохиолдол бүртгэгдсэн бөгөөд халдварын голомт Ухань хотод тогтоосон 11 долоо хоногийн хөл хориогоо саяхан цуцалсан юм.