461-р ангид хоригдож байсан иргэн өнгөрсөн шөнө амиа алджээ

Цагдан хорих 461 дүгээр ангид хоригдож байсан иргэн нас барсан хэрэг өчигдөр буюу дөрөвдүгээр сарын 13-нд гарсан байна. 

Энэ талаар Шүүхийн Шийдвэр Гүйцэтгэх Ерөнхий Газраас тодруулахад тус байгууллагаас доорх хариултыг өглөө. 

Албан ёсны хариултад "ШШГЕГ-ын харьяа Цагдан хорих 461 дүгээр хаалттай ангид 2020 оны дөрөвдүгээр сарын 13-ны өдрийн 22:30 цагт 28 настай Л нас барсан хэрэг гарлаа.

Л нь цагдан хоригдож байх хугацаандаа бөөрний архаг үрэвслийн сэдрэл, нурууны мэдрэлийн ёзоорын эмгэг, бөөрний аяганцар, тэвшинцэрийн завсрын эдийн үрэвсэл, амьсгалын дээд замын үрэвсэл оноштойгоор хэвтэн эмчлүүлж байгаад 2020 оны гуравдугаар сарын 02-ны өдрөөс Уушгины олон эмэнд дасалтай сүрьеэ өвчнөөр оношлогдож, сүрьеэгийн эмчилгээ хийлгэж байжээ.