МУ-д коронавирусийн халдварын тохиолдол 141 болж, өнөөдрийн байдлаар 21 хүнийг бүрэн эмчилж эмнэлгээс гаргаад байна. Тэдгээр иргэдэд эмнэлгийн тусламж үзүүлэхээр зөвхөн ХӨСҮТ д 200 гаруй эмч, сувилагч, асрагч, ариутгагч байнга ажилладаг. Ингэхдээ хоёр эмч, нэг сувилагч, асрагч, ариутгагч нэг ээлж болж, халдвар авсан 15-25 хүнийг гардан эмчилж байна.
Тэд 14 хоног үйлчлүүлэгч нартайгаа тусгаарлагдан, эмнэлгийн тусламж үзүүлдэг бөгөөд байнгын хамгаалалтын битүү хувцастай ажлаа хийж байна. Ээлжийн 14 хоног дуусахад дараагийн ээлжийн баг тусгаарлагдан ажиллах бөгөөд хугацаа дуусахад эхний баг дахин тусгаарлагдах журмаар ажиллаж байгаа юм.