ЭМЯ-наас Коронавирусийн нөхцөл байдлын талаар мэдээлэл хийж байна. Өчигдөр Москва-Улаанбаатарын онгоцоор ирж ХӨСҮТ-д тусгаарлагдсан зургаан оюутан болон тавдугаар сарын 13-нд ирж тусгаарлагдсан байсан цэргийн сургуулийн нэг оюутны давтан шинжилгээнээс коронавирус илэрлээ.
ХӨСҮТ-ийн захирал Д.Нямхүү: Энэ үеэр ХӨСҮТ-ийн захирал Д.Нямхүү "2020 оны тавдугаар сарын 26-нд нийт 248 хүнд шинжилгээ хийхэд 241-д нь вирус илрээгүй. Долоон хүнд коронавирус илэрлээ. ОХУ-ын Москва хотоос ирж ХӨСҮТ-д тусгаарлагдсан байсан оюутнуудаас коронавирус илэрлээ. Сүүлийн цэргийн онгоцоор ирсэн оюутнаас авсан шинжилгээгээр 14 хоногийн дараа вирус илэрлээ. Сайн мэдээ гэвэл зургаан хүн эдгэрч дараагийн шатлалын тусгаарлалтад шилжиж байна. Монгол улсад нийт батлагдсан тохиолдол 148 боллоо" гэсэн юм.