2020/07/09
USD 2,811

Төв аймгийн Баянжаргалан сумаас байлдааны онгоцны цэнэгтэй сум олджээ

З.Гантулга
2020/05/27

Төв аймгийн Баянжаргалан сум дахь цагдаа, цагдаагийн ахлах ахлагч Б.Соронзонбат нь 2020 оны 04 сарын 30-ны өдөр албан үүргээ гүйцэтгэх явцдаа сонор сэрэмжтэй байж сумын төвд эзэнгүй балгас дотор цэнэгтэй байлдааны онгоцны пулемётны сум байхыг илрүүлжээ.

Улмаар дуудлага өгсний дагуу Зэвсэгт Хүчний Жанжин Штабын даргын тушаалаар томилогдсон тэсэрч дэлбэрэх зүйлийн хайгуул устгалын бүлгийнхэн хамгаалалтад авч, аюулгүй байдлыг ханган хамтран ажилласнаар тус сумын нутаг дэвсгэрээс ФАБ-250 маркийн байлдааны онгоцноос хаях зориулалттай цэнэгтэй бөмбөг 12 ширхэг, 30мм-ийн онгоцны пулемётны сум таван ширхэгийг тус тус илрүүлэн, олон нийтэд учирч болох эрсдэлээс урьдчилан сэргийлсэн юм.

Мөн энэ өдрөөс өнөөдрийг хүртэлх хугацаанд Баянжаргалан сумын нутаг дэвсгэрт Зэвсэгт хүчний 084-р ангийн алба хаагчид 28 хүний бүрэлдэхүүнтэй очиж ажиллан 196 ширхэг байлдааны бөмбөг, сум илрүүлэн устгах ажиллагаа үргэлжилж байна.

Тус газарт хуучин ЗХУ-ын нисэхийн цэргийн анги байрлаж байсан бөгөөд хэрэв тэдгээр галт хэрэгслүүдийг яаралтай олж илрүүлээгүй бол ойролцоох амьдарч байгаа ард иргэдийн амь насанд ноцтой аюул учрах байв. Иймд иргэд та бүхэн байлдааны сум, тэсэрч дэлбэрч болзошгүй зүйлс таарвал яаралтай цагдаагийн байгууллагад дуудлага өгч, аюул эрсдэлээс урьдчилан сэргийлэхийг сэрэмжлүүлж байна.

Баянжаргалан сум дахь цагдаа, цагдаагийн ахлах ахлагч Б.Соронзонбат нь цагдаагийн байгууллагад 18 дахь жилдээ үр бүтээлтэй ажиллаж байгаа алба хаагч нарын нэг. Ийнхүү үүргээ амжилттай гүйцэтгэсэн тул Цагдаагийн ерөнхий газрын даргын тушаалаар Цагдаагийн гавьяа тэмдгээр шагнажээ.

Эх сурвалж: ЦЕГ



Сэтгэгдэл (9)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.179.21.214 |   2020/05/27
Азтай байна.
Хариулах
103.229.120.128 |   2020/05/27
ЮУН ЦЭНЭГТЭЙ ГЭЭД СОЛИОРЧ УСТГАЖ БАЙГАА ҮЕИЙН БИЧЛЭГИЙГ НЬ ҮЗҮҮЛЭХ ЮМСАН ЭРГҮҮ НОВШИД
Хариулах
103.229.120.128 |   2020/05/27
ТЭНЭГ ОРОСЫН АРМИЙН ЭНЭ АРМИЙН АЙМШИГТ ХОГ ХАЯГДАЛ БАЙРЛАЖ БАЙСАН ГАЗАР НУТАГ БҮРТ БИЙ !!!
Хариулах
202.179.21.214 |   2020/05/27
Чи тийм ухаантай юм бол гарангуут нь очиж цэвэрлэх нь яасан бэ? Гараад 30 жил болж байна !
202.126.88.140 |   2020/05/27
Sain haival tsenegtei 0.5 iin borgio oldono shuu bolgoomjtoi
Хариулах
202.126.88.140 |   2020/05/27
Soliortsgoo yun tsenegtei ain
Хариулах
202.179.21.214 |   2020/05/27
Цэнэгтэй л байдаг.
66.181.161.36 |   2020/05/27
Yana ymar ayltai ym be amidarhad ulam l hetsvv bolood bhii yma
Хариулах
203.98.77.44 |   2020/05/27
za tenegteed bgaarai