Нийслэлийн төр, захиргааны байгууллагуудын ажил 08:00 цагт эхэлж, 17:00 цагт дуусдаг боллоо

Нийслэлийн Засаг дарга нийслэлд байршин үйл ажиллагаа явуулдаг төрийн болон төсөвт байгууллагуудын ажил эхлэх, дуусах цагийн хуваарьт өөрчлөлт оруулах эрхийн дагуу нийслэлийн төр, захиргааны байгууллагын ажил эхлэх цагийг:

• Жил бүрийн зургаадугаар сарын 1-ний өдрөөс наймдугаар сарын 31-ний хооронд 08:00 цагт
• Бусад хугацаанд ажил эхлэх цагийг 09:00 байхаар захирамж гаргасан байдаг.

Захирамж ёсоор нийслэлийн төр, захиргааны байгууллагуудын ажил 2020 оны 6 дугаар сарын 1-нээс 08:00 цагт эхэлж, 17:00 цагт дуусдаг боллоо.

Энэ хуваарь нь 9 дүгээр сарын 1-н хүртэл хүчин төгөлдөр байх юм.