АНУ коронавирусын вакцин гаргаж авах магадлалтай таван компанийн нэрийг зарлана

ЭМЯ-наас /06.04/ ээлжит мэдээллээ хийж, коронавирусын нөхцөл байдлыг танилцууллаа.

Коронавирус-Монголд

"2020 оны зургадугаар сарын 3-нд улсын хэмжээнд гурван лабораторид 469 хүнд шинжилгээ хийлээ. Ингэхэд 468 хүний шинжилгээнд коронавирус илрээгүй. Харин нэг хүний давтан шинжилгээнд коронавирусын халдвар илэрлээ.  Энэ хүн тавдугаар сарын 26-нд Москва-Улаанбаатар чиглэлийн онгоцоор ирсэн. Шинжилгээнд орсон сорьцуудыг тодруулбал, Тандалтын зорилгоор 13 хүний сорьц /Орхон, Улсын нэгдсэн төв эмнэлэг, ХУД, СХД, БГД-ийн нэгдсэн эмнэлгээс санамсаргүй түүврийн аргаар сонгосон/, Орхон, Сэлэнгэ, Дархан-Уул аймагт тусгаарлагдсан 235 хүн, ачаа тээврийн 45 жолоочоос коронавирус илрээгүй" гэж ХӨСҮТ-ийн захирал Д.Нямхүү мэдээлэв. 

Эдгэрсэн тохиолдол

ХӨСҮТ-ийн ерөнхий захирал Д.Нямхүү: Өнөөдөр ХӨСҮТ-өөс гарч буй 21 хүний ес нь оюутан. Тэдний ихэнх нь тавдугаар сарын 13-14-нд ирсэн хүмүүс бөгөөд эмчилгээний хоног дунджаар 21-22 хоног байв.  Одоогоор ХӨСҮТ-д 157 хүн эмчилгээ болон тусгаарлалтад байна. Нийт 65 хүн эдгэрч гарснаас

• Сувилалд 36,
• гэрийн ажиглалтад 16
• Ажиглах хугацаа нь бүрэн дууссан 13 хүн бий. 

Үүргийн онгоцоор ирсэн хүмүүсийг сайтар эрэмбэлэн ангилж, дараа дараагийн үүргийн онгоцоор ирэх хүмүүсээ хүлээн авахад бэлдэж байна" хэмээлээ.

Коронавирус-Вакцин

АНУ-ын Засаг захиргааны зүгээс шинэ коронавирусын вакцин гаргаж авах магадлал өндөртэй таван компанийн нэрийг удахгүй зарлана гэсэн мэдээлэл байна.

Үүнд:

• Модерна
• Оксфордын их сургууль
• Эм үйлдвэрлэлийн Жонсон ба Жонсон зэрэг компани багтаж магадгүй аж.

Модерна, Оксфордын их сургууль, Астрагийн түншлэлийн хөгжүүлж буй вакцин эмнэл зүйн сүүлийн шатны туршилтаа долдугаар сард эхлүүлэх төлөвлөгөөтэй байгаа юм байна" гэдгийг ЭМЯ-наас мэдээлэв.

Коронавирус-Дэлхийд

Коронавирусынөвчлөл дэлхийн 216 улс орон, нутаг дэвсгэрт бүртгэгдэж, 6.5 сая гаруй хүн өвчлөөд байна. Тавдугаар сарын 30-нд коронавирусын халдвар авсан хүний тоо зургаан сая хүрлээ гэж байсан бол ердөө тав хоногт 6.5 сая болж, 500 мянга гаруйгаар нэмэгдлээ.

Коронавирус-ОХУ-д

Манай хөрш ОХУ-д сүүлийн 24 цагт 8,536 хүн шинээр халдвар авсан. Манайхтай олон аймгаар хиллэдэг Эрхүү, Тува, Читад өвчлөл нэмэгдсээр байгаа. Тухайлбал, Эрхүүд 120 тохиолдлоор, Тувад 60-аар халдварын тоо нэмэгдлээ. 

Эх сурвалж: www.polit.mn