Нур Султан-Улаанбаатар тусгай үүргийн онгоцоор 170 иргэн ирнэ

Казахстан улсаас монгол иргэдээ авчрах МИАТ компанийн тусгай үүргийн онгоц өнөөдөр өглөө 08 цагт Улаанбаатараас хөөрлөө. Онгоц эргээд Нур Султаны нисэх буудлаас 12.10 цагт хөөрнө.

Уг нислэгээр  өндөр настан, хөгжлийн бэрхшээлтэй иргэн, жирэмсэн, нялх хүүхэдтэй, эдийн засгийн хүндрэлтэй 150-170 хүртэл иргэнээ татан авахаар төлөвлөж байна. Казахстанаас гадна Киргиз, Узбекстанд гацаад буй монголчууд энэхүү нислэгт багтаж байна.  Нэг зорчигчид ногдох ачааны хэмжээ 23 кг, гар тээш  таван кг-аас хэтрэхгүй байх бөгөөд илүү тээш авах боломжгүйг Монгол Улсаас Бүгд Найрамдах Казахстан улсад суугаа Элчин сайдын яамнаас анхааруулжээ.  

Мөн ойрын хугацаанд БНХАУ-аас нутаг буцах хүсэлтэй 160 орчим иргэнийг татан авах ажлыг зохион байгуулна. Улсын онцгой комиссын шийдвэрийн дагуу энэ зургаадугаар сард  тусгай үүргийн нислэгээр 2000 орчим иргэнээ гадны улс, орнуудаас татан авахаар төлөвлөн ажиллаж байна. 

Зургаадугаар сарын 10-нд Казакстан Зургаадугаар сарын 11-нд Токио Зургаадугаар сарын 12-нд Энэхтхэг Зургаадугаар сарын 17-нд Сөүл (транзит) Зургаадугаар сарын 18-нд Сөүл Зургаадугаар сарын 19-нд Франкфурт хотруу тус тус нислэг үйлдэнэ.