Энэтхэгийн хойд нутагт хоёр өдрийн дотор 100 гаруй хүн аянгад цохиулж амиа алдсан тухай “CNN” мэдээлсэн байна.
Зөвхөн Уттар-Прадеш мужид гэхэд л өнгөрсөн нэг хоногийн дотор 24 хүн аянгад ниргүүлж амиа алдсан. Мөн Бихар мужид зургаадугаар сарын 25-нд 83 хүн аянгад ниргүүлсэн байна. Ингэснээр хоёр өдрийн дотор нийт 107 хүн аянгад ниргүүлжээ.
Энэтхэгийн Ерөнхий сайд Нарендра Моди Twitter хуудсаараа улсынх нь хойд хэсэгт байгалийн үзэгдлийн улмаас хүмүүс амиа алдсан тухай мэдээ ирж байгаа тухай бичээд мужийн эрх баригчид хохирогчдод яаралтай тусламж үзүүлэхээр ажиллаж байгааг онцолсон байна. Хохирогчдын ар гэрт мужийн удирдлагууд 5,3 мянган ам.долларын нөхөн төлбөр өгөхөөр болжээ.
Энэтхэгт зургаагаас аравдугаар сар хүртэл борооны улирал үргэлжилдэг.
Сэтгэгдэл (0)
Сэтгэгдэл бичигдээгүй байна