2020/07/06
USD 2,811

Саакашвили: “...Путины миний гуянд хумсаа зоосон”

О.Шүрэнцэцэг
2020/06/27

Гүржийн экс Ерөнхийлөгч Михаил Саакашвили Украйны “Гордон” сайтад ярилцлага өгөхдөө 2006 онд Минск хотноо болсон ТУХН орнуудын чуулга уулзалтын хүрээнд ОХУ-ын Ерөнхийлөгч Владимир Путинтэй уулзаж, хэлэлцээ хийсэн тухайгаа дурсан ярьжээ.

 Саакашвили “ТУХН-ийн чуулга уулзалтын үеэр Путин намайг тусдаа харанхуй өрөө рүү дагуулж ороод хумсаа гуянд зоож байгаад нүүр тулж ярихдаа дайнаар заналхийлсэн. Тэр яриа хошигнол байгаагүй гэдгийг бид хожим харсан. Путин тэгэхэд өмнөхөөсөө өөр байсан. Эхний удаад уулзахад (энэ хоёр 2004 онд Москвад уулзсан) хавьгүй илүү үр дүн гарна гэж найдаж байсан. Тэр уулзалт бараг таван цаг үргэлжилсэн гэвэл хэтрүүлэг болохгүй дээ. Тэгэхэд би том ба жижиг улсын хооронд ямар ч хэлэлцээ гэж болохгүй юм байна, хоёр улстөрчийн яриа биш харин Путин намайг урвуулах гээд миний зан ааш, сул талуудыг судалж, надад оноо өгч байна гэдгийг ойлгосон ” гэж ярьсан байна.

 Саакашвили нь 2004-2013 онуудад Гүржийн Ерөнхийлөгч байсан. Хоёр дах удаагийн хугацаа нь дууссаны дараа услаа орхин гарсан бөгөөд одоо Украйнд амьдардаг, энэ улсын иргэншилтэй болсон. Харин Гүржид түүний эсрэг олон эрүүгийн хэрэг үүсгэн шалгаж байгаа. 2015-2016 онуудад Саакашвили нь Одесса мужийн захиргааг удирдаж байгаад Ерөнхийлөгч Порошенкотой муудалцан Украйнаас хөөгдөж, иргэншлээ хураалгасан ч Зеленксийг Ерөнхийлөгч болоход иргэншлээ ахин сэргээсэн төдийгүй Өөрчлөлтийн гүйцэтгэх хорооны тэргүүлэгч, Украйны өөрчлөлтийн үндэсний зөвлөлийн гишүүн гэдэг албанд томилогдсон.

 Саакашвилийг Ерөнхийлөгч байсан 2008 онд Гүрж ба Оросын хооронд зэвсэгт мөргөлдөөн гарсан. Наймдугаар сарын 8-12 –ны өдрүүдэд Оросын цэргүүд Өмнөд Осетийн сайн дурын хүчний хамтаар албан ёсоор бол Гүржийн нэг хэсэг гэж тооцогддог байсан Өмнөд Осет нутгаас Гүржийн цэргийг шахан гаргахтай зэрэгцээд, маргаантай бүс нутаг дах зарим нутгийн түр хугацаанд эзэлсэн. Хожим нь ОХУ нь энэ мөргөлдөөний үеэр Гүржийн цэргүүдээс чөлөөлсөн Өмнөд Осети ба Абхаз гэсэн мужуудыг тусгаар улс гэж хүлээн зөвшөөрсөн юм.

 Гүржийн сайтын мэдээгээр энэ мөргөлдөөний үеэр тус улсын 408 иргэн, түүний дотор 170 цэргийн албан хаагч, Дотоод яамны 14 ажилтан, 224 энгийн иргэн алагдаж, 2232 хүн шархадсан байна. ОХУ-ын Мөрдөн байцаах хороо нь Оросын 67 цэргийн албан хаагч амиа алдаж, 270 нь шархадсан гэж мэдэгдэж байсан. Мөн энэ мөргөлдөөний үеэр Өмнөд Осетийн 162 энгийн иргэн алагджээ.

 Ерөнхийлөгч Путин 2020 оны гуравдугаар сард ТАСС агентлагт ярилцлага өгөх үеэр Гүржийн Ерөнхийлөгчтэй хийсэн хэлэлцээний талаар ярихдаа “Би Саакашвилид Өмнөд Осет ба Абхазын асуудлыг хүчээр шийдэх гэж оролдох хэрэггүй хэрэггүй шүү гэж хэлсэн. Гэтэл оролдож үзээд хариугаа авсан” гэж ярьсан байдаг.


Сэтгэгдэл (10)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
64.119.24.48 |   2020/06/28
чи Гүрж яваад үзээч яахав Путинд газраа дээрэмдүүлсэн тал бий гэхдээ Саакашвилийн ачаар Зөвлөлтийн Гүрж Барууны Гүрж болох замдаа орсон шүү
Хариулах
124.158.126.50 |   2020/06/28
энэ дээр армен азарбейжан 2 булаалдаад байлдаад байгаа уулын карбах бол арменчууд амьдардаг армены мүжийг азарбейжанд өгснөөс болоод армен нь зөвшөөрөхгүй байдаад одоо хянаж байгаа
Хариулах
124.158.126.50 |   2020/06/28
эд нар бол огт гүржүүд биш шүү зху байхаасаа л янз бүрийн үндэстэнг 1 ээс нь салгаж нөгөөтэй нийлүүлж байсны гай гарч байгаа юм Абхаз Өмнөд Осети 2 крим донбасс гээд л хөвөрч өгнө дөө осетын бну улс гэж оросын дотор байгаа
Хариулах
66.181.176.148 |   2020/06/28
Улсаа удирдаж чадаагуй энэ этгээдийн л хохь биздээ!!! Манайхан ч гэсэн сонгуулиа луйвардаад арчаагаа алдаад байвал ...
Хариулах
202.9.46.49 |   2020/06/28
Юу мэддэг гэж энд коммент бичиж сууна аа!?
Хариулах
66.181.161.44 |   2020/06/27
ih davraagaad bval hoino avaachij tsaash ni haruuldag argaa heregleh bh oo
Хариулах
43.242.243.205 |   2020/06/27
Оросууд гүржийн нутгаас хумсалж авсан бна
Хариулах
103.212.117.156 |   2020/06/27
Сая өнгөрсөн Ялалтын баяраар Абхаз Өмнөд Осети 2 улсын ерөнхийлөгчийг урьсан нь Гүржийн тусгаар тогтнолыг доромжилсон доо Абхаз Өмнөд Осети 2 Монголоор бол Гүржийн буриад юм
Хариулах
64.119.19.35 |   2020/06/27
Кккк эргүү амьтан бна.
Хариулах
139.5.217.45 |   2020/06/27
путин корона тусаж үхээсээ
Хариулах