Их Британийн дөрөв дэх том хот Глазго дах “Park Inn” зочид буудлын орчим үл мэдэгдэх этгээд хутга барьж энгийн иргэд рүү дайрсны улмаас олон хүн шархадсан тухай мэдээ ирж байна. Халдлагын улмаас гурван хүн алагдаж, олон хүн шархадсан байна. Баасан гарагийн үдээс хойш цагдаа нар нэр гарсан зочид буудлын орчим хэд хэдэн гудамжийг хааж тусгай ажиллагаа явуулжээ.
Британийн сайтуудын мэдээлж байгаагаар цагдаа нар Глазго дах нэг байшинг дайрч эзлэх тусгай ажиллагаа явуулсан бөгөөд үр дүнд нь аллага үйлдсэн этгээдийг аюулгүй болгосон ч цагдаагийн нэг ажилтан амиа алдсан гэж байна.
Британийн Ерөнхий сайд Борис Жонсон энэ хэрэг явдалтай холбоотойгоор Twitter –ээр дамжуулан мэдэгдэл хийж “Глазгод болсон аймшигтай үйл явдалд ихэд гашуудаж байна. Миний бодол санаа хохирогсод ба тэдний ар гэрийнхэнтэй хамт” гэжээ. Мөн тэрээр энэ хэргийн үеэр шуурхай хариу арга хэмжээ авсан аврах албадад талархал илэрхийлжээ.
Энэ дайралтыг хаанахын харьяалалтай хэн гээч хүн ямар шалтгааны улмаас үйлдэх болсныг хууль сахиулах албад тогтоохоор ажиллаж байгаа аж.
Өнгөрсөн долоо хоногт Английн Зүүн Өмнөд хэсэг дэр Рединг хотод гурван хүн хутгуулан нас барсан хэрэг гарсан. Энэ хэргийг цагдаа алан хядах ажиллагаа гэж тодорхойлон мөрдөн шалгах ажиллагаа явуулж байгаа юм.
21°C
Сэтгэгдэл (0)
Сэтгэгдэл бичигдээгүй байна