Туркийн анхны цөмийн цахилгаан станц “Аккую”-ийн эрчим хүчний хоёр дах блокийг угсрах ажлыг эхлүүлж байгаа тухай ОХУ-ын “Росатом” компани мэдэгдсэн байна. Энэ цөмийн цахилгаан станцын эхний блокийг босгох ажил 2018 онд эхэлж байсан.
Цөмийн станцыг барих ажлыг хариуцаж байгаа “Аккую Нуклеар” компанийн тэргүүн А.Зотеева барилгын ажлын талаар ярихдаа “Хоёр дах блокийг суурийн хавтан ба реакторын хэсэг, машины танхимын бетондох ажил нь дусаж байна. Харин нэгдүгээр блокийн суурийг бетондоод, хайлмалын урхийг байрлуулж, хамгаалалтын дотоод бүрхүүлийг угсарч эхэлсэн. Энэ жилдээ гадна ханыг 26 гэсэн тэмдэгт хүртэл өрж дуусгах төлөвлөгөөтэй байна. Цаашдаа эргэлтийн гол хоолойг гагнаж эхэлнэ. Үүнтэй нэгэн зэрэг барилга угсралтын бааз, түлшний агуулах гээд асар олон тооны туслах объектууд дээр барилгын ажил явагдаж байна. Гурав дах блокийн талбай дээр өрөмдлөг ба тэсэлгээний ажлыг эхлүүлсэн” гэжээ.
“Аккую” цөмийн цахилгаан станц нь тус бүр нь 1200 МВт хүчин чадал бүхий эрчим хүчний дөрвөн блоктой байх юм. Нийт 20 тэрбум долларын өртөгтэй энэ төслийг ОХУ нь “build-own-operate - " буюу барь-эзэмш-ашигла" гэсэн зарчмаар 20 тэрбум гаруй доллароор барьж байгаа юм. Өөрөөр хэлбэл барьж дууссаны дараагаар оросын компани эзэмшиж, тэнд үйлдвэрлэсэн эрчим хүчийг Туркийн талд зарна. Цахилгаан станц дээр Орост тусгайлан бэлдсэн туркийн мэргэжилтнүүд ажиллах юм. Эрчим хүчний эхний блокийг Турк улс байгуулагдсаны 100 жилийн ойгоор буюу 2023 оны аравдугаар сард ашиглалтад өгөх төлөвлөгөөтэй байгаа аж.
Сэтгэгдэл (0)
Сэтгэгдэл бичигдээгүй байна