2020/07/06
USD 2,811

Өмнөд Солонгосыг “G7”-д урихыг эсэргүүцэв

О.Шүрэнцэцэг
2020/06/29

Японы эрх баригчид нь Өмнөд Солонгос нь “Их долоо”-ийн бүлгийн гишүүн орнуудтай зарим асуудал дээр санал зөрөлдөөнтэй байгаа тул энэ бүлгийн уулзалтад оролцохыг эсэргүүцэж байгаа юм байна. 

Японы Засгийн газар дах “Kyodo” агентлагийн эх сурвалжийн мэдээлснээр Дональд Трамп “G7” гэсэн хувилбар хуучирсан тул уулзалт дээр Өмнөд Солонгос гэх мэт өөр хэд хэдэн улсын нэмж оролцуулах тухай ярьсан даруйд Токио нь эсэргүүцэж байгаа гэдгээ Вашингтонд дуулгасан аж. Японы тал нь Өмнөд Солонгосын Ерөнхийлөгч Мун Чжэ Инийг “Хятадын талыг баримтлагч” гэж тодорхойлоод Хойд Солонгосын талаар “Их долоо”-ийн гишүүн орнуудаас өөр байр суурьтай тул оролцуулах ёсгүй гэж үзсэн байна.

Гэхдээ Трампын хэлсэн үг нь хувийн байр сууриа илэрхийлсэн төдий байгаад бодит байдал дээр “Их долоо”-д нэмж улс урихгүй байх магадлал өндөр байгаа тул Япон нь энэ талаарх байр сууриа албан ёсоор илэрхийлээгүй юм байна. Түүнчлэн Япон нь энэ бүлэгт Ази тивээс багтдаг цор ганц улс гэсэн статусаа алдахыг хүсэхгүй байгаа аж.

Дональд Трамп нь “G7”-ийн уулзалтыг зургаадугаар сараас хойшлуулж есдүгээр сард болгохтой зэрэгцээд нэмж ОХУ, Өмнөд Солонгос, Австрали, Энэтхэгийг урьж оролцуулахаар төлөвлөж байгаагаа олон нийтэд дуулгасан. Үүний дараа Канад, Их Британи хоёр ОХУ-ын оролцуулахыг эсэргүүцсэн бол Өмнөд Солонгос, Австрали хоёр Трампын урилгыг хүлээн авч байгаагаа мэдэгдсэн. Харин ОХУ нь Трампын саналыг “зөв чиглэлд явж байна” гэсэн ч БНХАУ-ыг уриагүй цагт энэ бүлэг нь бүрэн дүүрэн болох боломжгүй гэсэн тайлбар хийсэн.


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.179.26.161 |   2020/06/29
Путин ялнаа
Хариулах