Н.Учрал: Тэтгэврийн шинэчлэлийг энэ намрын чуулганаар хэлэлцэнэ

УИХ-ын шинэ гишүүд өнөөдөр Сонгуулийн ерөнхий хорооноос үнэмлэхээ гардан авлаа.

Энэ үеэр УИХ-ын гишүүн Н.Учрал: Ард түмэн МАН-д итгэл үзүүллээ. Энэ итгэлийг бид зүтгэлээр хариулах ёстой. СХД-ийнхээ иргэдийн 65 хувийн итгэл дэмжлэгийг авч УИХ-д хоёр дахь удаагаа сонгогдлоо. Иргэдтэй уулзаж байхад боловсролын реформ хийх, нийгмийн даатгалын шинэчлэл, хуримтлалын сан бий болгох ажлуудыг даруй зохион байгуулах захиасыг хэлж байсан. Дундаж давхаргыг дэмжсэн намын мөрийн хөтөлбөрөө хэрэгжүүлэхийн тулд нийгмийн даатгалыг бүхэлд нь шинэчлэх асуудал байна. Өнгөрсөн парламентын үед өргөн барьсан хувийн тэтгэврийн хууль, Нийгмийн даатгалын багц хуулийн энэ намрын чуулганаар хэлэлцүүлж батлуулж дундаж давхаргыг дэмжих тогтолцоог нэвтэрүүлэх шаардлагатай байна. Тэтгэврийн шинэчлэлийг энэ намрын чуулганаар хэлэлцэнэ. Миний хувьд өнгөрсөн хугацаанд 40 гаруй хуулийн төслийг санаачилсан. Энэ хүрээнд санаачилсан хуулиудаа үргэлжлүүлнэ хэрэгжүүлнэ. Одоо шинэ Үндсэн хуулиар Ерөнхий сайдын эрх үүрэг нилээд өргөжсөн. Шинэ Үндсэн хууль батлагдсан. Энэ парламент шинэ Үндсэн хууль хэрэгжиж эхэлсний дараах анхны парламент гэдгээрээ онцлогтой. Тэгэхээр шинэ 30 жилийн эхний дөрвөн жил хэрхэн өнгөрөх вэ гэдэг дээр анхаарлаа хандуулна. Завгүй өдрүүд хүлээж байна.