​ Сайд нарын прогноз: У.Хүрэлсүх шинэ танхимаа наадмаас өмнө байгуулна

Монгол улсын Шадар сайд, Монгол улсын Ерөнхий сайдын орлогчоор Л.Оюун-Эрдэнийг томилохоор тохирч байгаа аж. 

Үндсэн чиг үүргийн таван яамны сайдыг дотроосоо буюу УИХ-ын гишүүд дундаас томилно. Үүнд, Гадаад харилцааны сайдаар Д.Цогтбаатар, Сангийн сайдаар Ч.Хүрэлбаатар, Байгаль орчин, аялал жуулчлалын сайдаар Н.Цэрэнбатыг улираан ажиллуулахаар яригдаж байгаа аж. 

Харин Хууль зүй, дотоод хэргийн сайдаас Ц.Нямдоржийг чөлөөлж оронд Х.Нямбаатарыг, Хөдөлмөр, нийгмийн хамгааллын сайдаас С.Чинзоригийг чөлөөлж Н.Учралыг томилохоор яригдаж байна. 

Эрүүл мэндийн сайдаар Монгол Улсын Ерөнхий сайдын зөвлөх Н.Хүрэлбаатарыг, Зам тээврийн хөгжлийн сайдаар Б.Цэнгэлийг,  Хүнс, хөдөө аж ахуй, хөнгөн үйлдвэрийн сайдаар Д.Тэрбишдагва, Уул уурхайн сайдаар Я.Содбаатарыг, Батлан хамгаалахын сайдаар Ж.Энхбаярыг,  Боловсрол, соёл шинжлэх ухаан спортын сайдаар Ө.Энхтүвшинг томилохоор сэм тохирч байгаа бололтой. 

Барилга хот байгуулалтын сайд болоод Эрдэс баялаг эрчим хүчний сайд нарын нэрсэд хэн яригдаж байгаа талаар мэдээлэл авч чадсангүй.