2020/07/06
USD 2,811

Төрийн ордонд ажиллах сэтгүүлчдийн хөлийг хорьж, хэвлэлийн эрх чөлөөнд халдаж байна

О.Шүрэнцэцэг
2020/06/30

Засгийн газар, УИХ-аас Төрийн ордонд ажиллах сэтгүүлчдийн хөлийг хорьж, хэвлэлийн эрх чөлөөнд халдаж байгаа хэрэг гэж сэтгүүлчид эсэргүүцлээ илэрхийлж байна. 

Монгол HD телевизийн сэтгүүлч Б.Одонгарав: 

-Хөл хорионоос болоод УИХ-ын Тамгын газар үүргээ биелүүлэхгүй байна. Гишүүд болохоор Тамгын газраар дамжуулж ярилцлага өгнө гэсэн. Бидний дуудсанаар УИХ-ын гишүүд энд ирэхгүй шүү дээ. Бид дэлгэцний дүрсээр бичихээс өөр аргагүй байдалд өнөөдөр орлоо. 

zuv.mn сайтын сэтгүүлч С.Отгонсүрэн: 

-УИХ-ын чуулганы нээлт 12 цагт эхэлсэн. Түүнээс хойш нэг ч сэтгүүлч гарч ирсэнгүй. Биднийг хязгаарлагдмал хүрээнд ажиллуулна гэдэг ард иргэд мэдээллийг хязгаарлагдмал авна гэсэн үг. Цар тахлын үе гэдгийг бид мэдэж байгаа. Иймд бид УОК-ын журмын дагуу ажиллаж чадна шүү дээ. 

ТВ-9 телевизийн мэдээллийн албаны дарга Б.Ариунтуяа: 

-Хэвлэл мэдээлэл бол төр, ард түмний гүүр болж байдаг. УИХ-ын гишүүний тангарагаа өргөсөн хүмүүсийн ирэх дөрвөн жилийн зорилго, зорилт, хийх ажлын талаар мэдээлэх нь олон нийтэд хэрэгтэй мэдээлэл гэж бодож байна. Гэтэл УОК-ын шийдвэрийг гишүүд нь биелүүлдэггүй, тэврэлдэж, үнсэлдэж зөрчдөг, харин сэтгүүлчид биелүүлдэг байж болохгүй шүү дээ. 11 цагт Төрийн ордонд ирсэн. Одоо 16 цаг болж байна. Нэг ч хүнээс ярилцлага аваагүй л байна. 

zarig.mn сайтын эрхлэгч Н.Өнөрцэцэг: 

-Хэвлэлийн эрх чөлөө хэний гарт байгаа нь өнөөдөр харагдлаа. Эрх баригчид хэвлэлийн эрх чөлөөний дарангуйлагчид болсон байна. Энэ нь цаагуураа иргэдийн мэдэх эрхэд халдаж байгаа үйлдэл. Бид нар өдөржин энд хашигдаад сууж байхад гишүүд хөл хорионы журмаа мөрдөхгүй, зөрчөөд явж байна. 

ТВ-5 телевизийн сэтгүүлч Ч.Доржбат: 

-Ордонд ирээд таван цаг болж байна. Нэг ч ярилцлагагүй сууж байна. УИХ-ын Тамгын газар энэ асуудлыг шийдэж өгөхгүй байна. Засгийн газрын Ц.Ганзориг дарга энэ асуудалд анхаарлаа хандуулаасай. Адилхан сэтгүүлч хүмүүс шүү дээ. УИХ өнөөдөр бүрдлээ. Удахгүй Засгийн газар бүрдэнэ. Үүнийг ард түмэндээ мэдээлмээр байна. Иргэдийн мэдэх эрхэд халдаж байна гэж ярьж байгаа нь туйлын зөв.

Сэтгүүлчдийн төлөөлөл 

Өнөөдөр нэг ч ярилцлага авсангүй. Хүлээж суух нь сэтгүүлч нарын хувьд  хэвлэн нийтлэх эрх чөлөөнд халдаж байна. Бид нар тэр хүний  зөвхөн хэлсэн үгийг гаргахаас өөр ямар ч аргагүйд  хүрч байна. Бид өөрсдөө асуултаа асууж ,өөрсдөө хүнээ сонгож нийтлэх эрхтэй. Сэтгүүлч нарыг хөл хорионоос суллаж өгөөсэй гэж хүсэж байна. 



Сэтгэгдэл (11)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
176.59.51.30 |   2020/07/01
Өнөр гм хүмүүс сэтгүүлч нэр зүүсэн хөлсний бичээчид. Ядаж ярилцлага авах техник бхгүй, соёлгүй, ёс суртахуунгүй. Харин ч мэдээллийг мушгин гуйвуулагчид шүү дээ.
Хариулах
202.126.90.61 |   2020/07/01
Бүх тв сувгууд шууд дамжуулж байхад та нар тэнд юугаа хийхийн? Ордоноор дүүрэн сэтгүүлч, зураглаач нэртэй хэрүүлч, заргач юмнууд л явж байдаг ш дэ. Цөөлбөл таарна.
Хариулах
112.72.9.126 |   2020/07/01
ЗӨВ ШҮҮ ДЭЭ.ТА НАР БУРУУГ ХАЙДАГ БОЛОХООР ИРГЭДЭД ДАНДАА СӨРӨГ МЭДЭЭЛЭЛ ИРДЭГ.ТЭГЭЭД Ч ТА НАР СЭТГҮҮЛЧИЙН ЁС ЗҮЙГЭЭ МӨРДДӨГГҮЙ
Хариулах
216.240.89.20 |   2020/07/01
Өнөрөө юу гэж хохироховдээ. Хүмүүс Бид л нарийн ширийн мэдээлэлгүй болж хохирох юм бишүү.
Хариулах
202.55.188.41 |   2020/06/30
ТВ 9 Зариг нар хэт нэг талыг барьсан мэдээллийг сонгуулийн суртчилгааны үед гаргасан болохоор одоо горийг нь амсаж байна.Бусад нь хөлд нь чирэгдлээ дээ.
Хариулах
66.181.185.43 |   2020/06/30
aya gej duuddag uu geed am alduulna gej aisan baihaa kkkkk
Хариулах
66.181.183.132 |   2020/06/30
Энэ их хурлын ерөнхий өнгө төрх ч бараг л мэдрэгдээд эхэллээ дээ ! Аргачгүй юмдаа! Тал нь гэмт хэрэг, элдэв долоон юманд холбогдсон дуракууд багаараа гэх нэрээр шургалаад амжчихсан бгаа юм даа
Хариулах
103.57.95.106 |   2020/06/30
тэнэг мал. Өнөрөө хохирохгүй. хүмүүс мэдэх эрхээрээ хохирч байна
Хариулах
202.126.89.109 |   2020/06/30
ta nariin hereg bhgui de .unen shuu .
Хариулах
202.9.47.25 |   2020/06/30
Xoxi ni za. Odoo ta nariin xereg MAN-d baixgui
Хариулах
202.126.89.65 |   2020/06/30
Өнөрөө хохинь
Хариулах