БНХАУ-ын Тэргүүлэгч СиЖинпин Хонконг дах үндэсний аюулгүй байдлын тухай шинэ хуулийг мөрдөж эхлэх тухай тогтоолд гарын үсэг зурсан тухай “Синьхуа” агентлаг мэдээлсэн байна.
Шинэ хуулиар эрх баригчид нь эсэргүүцлийн жагсаалд оролцогчдыг салан тусгаарлах үзэл гаргасан, төрийн эрх мэдлийг үгүйсгэсэн, терроризм, үндэсний аюулгүй байдалд хохирол учруулахаар гадаадын улс орнуудтай хуйвалдсан гэсэн дөрвөн зүйл ангиар шийтгэх боломжтой болох аж. Ингэхдээ терроризм, ба төрийн эрх мэдэлд халдах гэсэн ойлголтуудын хамрах хүрээх өргөсөн байна. Тухайлбал, зарим төрлийн тоног төхөөрөмж ба тээврийн хэрэгсэл рүү халдах, гэмтэл учруулахыг эдгээр хуульд хамруулдаг болно.
Шинэ хуулийг хэрэгжүүлэхийн тулд БНХАУ нь Хонконгийн нутаг дээр өөрийн тусгай албадын салбарыг байгуулах боломжтой болжээ. Дээрх зүйл ангиар шийтгэгдсэн хүмүүст төрийн алба хашихыг хориглож, терроризмд буруутай нь тогтоогдвол гурван жилээс бүх насаар нь хорих хүртэл ялаар шийтгэж байхаар болсон байна.
Шинэ хуулийг Хонконгийн Британийн эзэмшлээс БНХАУ-ын мэдэлд буцаж орсны ойн өмнө буюу зургаадугаар сарын 30 баталжээ. Хонконг нь 1997 оны долоодугаар сарын 1-нд БНХАУ-ыг бүрэлдэхүүнд буцан орж байсан. Тухайн үед Их Британи ба БНХАУ хоёрын баталсан тунхаг ёсоор Хонконг нь 50 жилийн хугацаанд бие даасан цагдаа, мөнгөний тогтолцоо, хууль, татвар, цагаачлалын бодлоготойгоос гадна олон улсын байгууллагууд дах гишүүнчлэлээ хадгалан үлдэх зэрэг өргөн хүрээтэй автономит эрхтэй байхаар болсон.
Шинэ хууль хэрэгжиж эхлэх тухай мэдээний дараагаар НАТО-мийн Ерөнхий нарийн бичгийн дарга ЙенсСтолтенберг БНХАУ нь ийм хууль баталснаараа Хонконгийн өөртөө засах эрхийг үгүй хийж байна гээд Бээжинг ардчилал, эрх чөлөө, хууль эрх зүйг дээдлэх ёсыг сөрж байна гэж шүүмжилжээ.
Сэтгэгдэл (0)
Сэтгэгдэл бичигдээгүй байна