Хятадын Хубэй мужид хүй нь хүзүүг нь зургаан удаа хороосон хүүхэд мэнд мэндэлсэн тухай “Daily Mail” мэдээлсэн байна. Хубэй Долоодугаар сарын 16-нд мужийн Ичаон хотоын эмнэлэгт Дай овогтой хөл хүнд эмэгтэй ирж хэт авианы оношилгоонд харуулснаар энэ үйл явдал эхэлсэн юм байна. Эмч нар хэт авианы төхөөрөмжөөр харах үеэр ургийн хүзүүг хүй нь ороосон байгааг олж харжээ. Долоо хоногийн дараа дахин “эход” харахад хүй нь ургийн хүзүүг хоёр давхарлан ороосон байжээ. Үүнээс удалгүй буюу долоодугаар сарын 30-нд Дай нь төржээ. Ураг болон эхийн бие сайн байсан тул эмч нар кесар хагалгаа хийгээгүй юм байна. Тэгээд төрөл амжилттай болсны дараа хүй нь хүүхдийн хүзүүг зургаан давхар ороосон байхыг хараад маш ихээр цочирджээ. Нэг эх баригч нь сэтгүүлчдэд ярихдаа 23 жил ажиллахдаа ийм тохиолдолтой ер таарч байгаагүй гэж.
Хэвийн үед 50 см байх ёстой хүй нь хавьгүй илүү, 90 см урт байсан учраас хүүхдийн хүзүүг зургаан удаа ороосон ч гэлээ боогоогүй болохыг эмч нар тогтоожээ. Хэрэв хүйний урт нь хэвийн байсан бол хүү төрөхдөө бүтэх аюултай байсан юм байна. Ийм ховор тохиолдлын ачаар хүүхэд эсэнд мэнд, ямар нэг эмгэг, согоггүй төрсөн байна.
Сэтгэгдэл (0)
Сэтгэгдэл бичигдээгүй байна